ޝަކީލް އާލާސްކަންފުޅަކާ ގުޅިގެން ރިޓަޔަކުރުން ޖޭއެސްސީން ފާސްކޮށްފި

• ފަނޑިޔާރުންގެ ގާނޫނުގެ ދަށުން، ސިއްހީ ސަބަބަކާ ހުރެ ފަނޑިޔާރުކަމުން ރިޓަޔަވުމަށް އެދިވަޑައިގެން، ގަވައިދުގައި ބަޔާންކޮށްފައިވާ ފަދައިން ބައްޔާ ބެހޭ ސްޕެޝަލިސްޓް ޑޮކްޓަރުގެ ލިޔެކިއުމާ އެކު ޝަކީލް ހުށަހަޅުއްވާފައިވޭ

• އާލާސްކަންފުޅާ ގުޅިގެން ދެ ފަހަރެއްގެ މަތިން ޕޭސްމޭކަ ލައްވާފައިވޭ
  

• މި ބައްޔާ ހުރެ، ޝަކީލަށް މިހާރު ކުރިމަތިވަމުންދާ އުނދަގޫތަކާ ގުޅިގެން ޑޮކްޓަރު ދެއްވާފައިވާ ލަފާތަކަށް، ކޮމިޝަނުން ގޮތެއް ނިންމުމުގައި ބުރަވެފައިވޭ

ޝަކީލްގެ ތައާރަފެއް

• ޝަކީލު ވަނީ ފަނޑިޔާރުކަމުގައި 20 އަހަރު ހިދުމަތް ކުރައްވާފައި

• ކްރިމިނަލް ކޯޓުގެ އިސް ގާޒީ ކަމުގައި ހުންނަވައިގެން، އެމްއެމްޕީއާރުސީ މެދުވެރިކޮށް ވ. އާރަށު ކުށްޔަށް ދިނުމުގެ މައްސަލައިގައި ކުރީގެ ރައީސް އަބްދުﷲ ޔާމީންގެ މައްޗަށް މިދިޔަ ޑިސެމްބަރުގައި 11 އަހަރުގެ ޖަލު ހުކުމެއް އިއްވެވީ ޝަކީލު
  

• ޕީޕީއެމް-ޕީއެންސީން ގަބޫލުކުރަނީ ޔާމީންއަށް އިއްވި 11 އަހަރުގެ ޖަލު ހުކުމަކީ "ހަރާން" ހުކުމެއް ކަމަށް؛ ޕީޕީއެމް-ޕީއެންސީގެ ސަރުކާރެއްގައި ޝަކީލުގެ މައްސަލަ ބަލާނެ ކަމުގެ އިންޒާރު އެ ޕާޓީން މީގެ ކުރިން ވަނީ ދީފައި
  

• ޝަކީލު ހައި ކޯޓުގެ ފަނޑިޔާރު ކަމަށް އައްޔަންކުރީ މިދިޔަ މާޗު މަހު