ނަޝީދުގެ މައްސަލަ ބުދައަށް ފަސްކޮށް، ބަޖެޓު ހުށަހެޅުން މާދަމާއަށް ތާވަލުކޮށްފި

ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަގާމުން ވަކިކުރުމުގެ މައްސަލަ ބުދަ ދުވަހަށް ފަސްކޮށް، އަންނަ އަހަރަށް ލަފާ ކުރާ ދައުލަތުގެ ބަޖެޓު ހުށަހެޅުން މާދަމާގެ ޖަލްސާއަށް އެޖެންޑާކޮށްފި އެވެ.

ވީ ކިހިނެއް؟ - ކުރިއަށް އޮތް ދެ ދުވަހުގެ މަޖިލީހުގެ ޖަލްސާތަކުގެ އެޖެންޑާ މަޖިލީހުގެ އިދާރާގެ ވެބްސައިޓުގައި މިހާރު ވަނީ އާންމުކޮށްފަ އެވެ. އެގޮތުން:

ތަފްސީލު - ނަޝީދުގެ މައްސަލަ ބުދަ ދުވަހަށް ފަސް ކުރި އިރު، މިއަދާއި އިއްޔެ ވެސް އެ މައްސަލަ އެޖެންޑާ ކުރި އެވެ. ނަމަވެސް، އެ ދެ ޖަލްސާއެއް ބޭއްވިފައެއް ނުވެ އެވެ. އެއީ:

އަންނަ އަހަރަށް ލަފާކުރާ ދައުލަތުގެ ބަޖެޓު ހުށަހެޅުން މާދަމާއަށް ތާވަލުކުރިއިރު، މަޖިލީހުގެ ގަވައިދުގައި ބުނާ ގޮތުން، ކުރިއަށް އޮތް އަހަރަށް ލަފާކުރާ ދައުލަތުގެ ބަޖެޓު އެ ހިނގާ އަހަރުގެ ނޮވެމްބަރު 1ގެ ކުރިން ފިނޭންސް މިނިސްޓަރު މަޖިލީހަށް ހުށަހަޅަން ޖެހެ އެވެ. މާދަމާ އަކީ މި ހިނގާ އޮކްޓޯބަރު މަހުގެ އެންމެ ފަހު ދުވަހެވެ.

ފާހަގަކޮށްލެވޭ ކަމެއް - ނަޝީދުގެ މައްސަލަ ކުރިއަށް ގެންދާ ޖަލްސާގެ ރިޔާސަތު އީވާ ނޫން ބޭފުޅަކަށް ނުބެލެހެއްޓެވޭނެ ކަމަށް އަމީން އާންމު ނިންމެވި ނިންމެވުން ގަބޫލުނުކޮށް، އެ މައްސަލަ އެމްޑީޕީގެ ފަރާތުން ވަނީ ސުޕްރީމް ކޯޓަށް ހުށަހަޅާފަ އެވެ.

އެ ކޯޓުން މިއަދު އެ މައްސަލަ ބަލައިގެންފައި ވާއިރު، ނަޝީދުގެ މައްސަލަ ނުނިންމާ އިތުރު ޖަލްސާއެއް ނުބޭއްވޭނެ ކަމަށް ކަނޑައަޅައިދިނުމަށް ވެސް އެ ޕާޓީގެ ފަރާތުން ވަނީ ކޯޓުގައި އެދިފަ އެވެ.