އިހަވަންދޫ ބަދަރުމައްޗަށް މީހުން އެއްވެފައި: މަރުވެފައިވަނީ އެރަށު މީހެއް (ފޮޓޯ/ މަސްވެރިން އިހަވަންދޫ)
ދޯންޏަކާއި ލޯންޗެއް އެކްސިޑެންޓުވެ އެކަކު މަރުވެއްޖެ
ހއ. އިހަވަންދޫ ކައިރީގައި މިއަދު ދޯންޏަކާއި ލޯންޗެއް ޖެހި އެކްސިޑެންޓެއް ހިނގައި އެކަކު މަރުވެ އިތުރު ދެ މީހަކު ޒަހަމްވެއްޖެ އެވެ.
ވީ ކިހިނެއް؟ - މި އެކްސިޑެންޓްގައި މަރުވެފައި ވަނީ އަބްދުއްރަޝީދު 68އ، ނަޔާޑޭޒީ، ހއ. އިހަވަންދޫ އެވެ.
ތަފްސީލް - މި އެކްސިޑެންޓްޓާ ގުޅިގެން ފުލުހުން މީީޑިއާތަކަށް ފޮނުވި މެސެޖެއްގައި ބުނީ:
-
އެކްސިޑެންޓް ހިނގާފައި ވަނީ އިހަވަންދޫއާ ޖެހިގެން އޮންނަ ހުވަހަންދޫ ކައިރީގައި
-
ތިން މީހަކަށް އަނިޔާވެގެން އިހަވަންދޫ ހޮސްޕިޓަލަށް ގެންގޮސްފައިވޭ؛ އެކަކު ހާލު ސީރިއަސް
ހާލު ސީރިއަސް ވި މީހާ، މިހާރު މަރުވެފައިވާކަން އެ ރަށު ކައުންސިލުގެ ދެ މެންބަރަކު 'ދައުރު'އަށް ކަށަވަރުކޮށްދެ އެވެ.
ކައުންސިލް މެންބަރުން 'ދައުރު'އަށް ބުނީ:
-
މަރުވީ ދޯނީގައި ދަތުރު ކުރި ދެ މީހުންގެ ތެރެއިން އެކަކު؛ އެއީ އަބްދުއް ރަޝީދު ދެން ދަތުރު ކުރީ އޭނާގެ ދަރިފުޅު
-
އެ މީހުން އިހަވަންދޫއިން ފުރައިގެން ދިޔައީ ހިބަރު މަސްވެރިކަމުގައި
-
މި ހާދިސާ ހިނގާފައި ވަނީ މިއަދު އިރުއޮއްސުނު ފަހުން
-
ލޯންޗު އައިސް ޖެހުނީ، ދޯނީގެ ފަހަތުގައި
"މުޅި އިހަވަންދޫ މިއޮތީ ވަރަށް ބޮޑު ހިތާމައެއްގައި. އެތައްހާސް ރައްޔިތުން އެބަތިބި މިވަގުތު ސިއްހީ މަރުކަަޒު ސަރަހައްދުގައި،" ކައުންސިލް މެންބަރު އަހްމަދު ރިލްވާން ވިދާޅުވި އެވެ.