ރާއްޖެ އިސްލާމްވި ދުވަހު ފަނޑިޔާރު މަހާޒް ދެއްވީ ގުރުއާނުގެ ފަސޭހަ ތަފްސީރެއް

ފަސޭހައިން ދޭހަވާ ގޮތަށް ލިޔުއްވާފައިވާ ކީރިތި ގުރުއާނުގެ ހުލާސާ ތަފްސީރެއް، ސުޕްރީމް ކޯޓުގެ ފަނޑިިޔާރު މަހާޒް އަލީ ޒާހިރު ނެރުއްވައިފި އެވެ.

ވީ ކިހިނެއް؟- މަހާޒް މި ފޮތް ނެރެދެއްވީ، ރާއްޖެ އިސްލާމްވި ދުވަހުގެ މުނާސަބާގަ އެވެ. ނަމަވެސް އޭނާ ވިދާޅުވި ގޮތުގައި މިއީ، މީގެ ހަތް އަހަރު ކުރިން އޭނާ ފެއްޓެވި މަސައްކަތެކެވެ.

މަހާޒް ވިދާޅުވި ގޮތުގައި މި ފޮތް ލިޔުއްވާފައިވަނީ:

ކީރިތި ގުރުއާންގެ ތަފްސީރެއް ލިޔުއްވުމަކީ ކުރިން ހިޔާލުކުރެއްވި ކަމެއް ނޫން ނަމަވެސް، މަހާޒް ވިދާޅުވި ގޮތުގައި 2015ގައި ކޮއްކޮ ނިހާޒް އަލީ  ނެރުއްވި ގުރުއާންގެ ތަރުޖަމާގެ މޮބައިލް އެޕްލިކޭޝަނަށް ފަހު، އެއާ މެދު ތަފާތު ހިޔާލުތަކާއި ޝަކުވާތައް އާއްމުންގެ ފަރާތުން ލިބުނެވެ. އަދި ތަރުޖަމާގައި ހުރި އެކި ކަހަލަ އައިބުތައް ފާހަގަވެ، އެ އިސްލާހުކޮށް މުރާޖައާ ކުރުމުގެ ހިޔާލު ލިިބިވަޑައިގެންނެވި ކަމަށް ވިދާޅުވި އެވެ.

މަހާޒް ވިދާޅުވި ގޮތުގައި:

"މި ސަބަބުތަކާ ހުރެ ލިޔަން ފަށާނީ ކީރިތި ގުރުއާނުގެ ހުލާސާ ތަފްސީރެއް ކަމުގައި ނިންމީމެވެ." މަހާޒް، އޭނާގެ ބްލޮގްގައި ލިޔުއްވި އެވެ.

މަހާޒް މިއަދު ނެރެދެއްވީ ގުރުއާނުގެ ފުރަތަމަ ފަސް ފޮތް ހިމެނޭ ފުރަތަމަ ވޮލިއުމެވެ. އަދި 10 ވަނަ ފޮތާ ހަމައަށް ހިމެނޭ ވޮލިއުމް2، އިސްލާމިކް މިނިސްޓްރީން ފާސްކޮށްފައިވާ އިރު، 3 ވަނަ ވޮލިއުމް ވެސް މިހާރު ގާތްގަނޑަކަށް ނިމިފައިވާ ކަމަށް ވިދާޅުވި އެވެ. މުޅި ގުރުއާން ބަހާލާފައިވަނީ 6 ވޮލިއުމަކަށެވެ.

މި ވަގުތު ނޮވެލްޓީ ބުކްޝޮޕުން ލިބެން ހުރި މި ފޮތުގެ އަގަކީ 390ރ. އެވެ.