ސިއްހީ ސާމާނު ނުހޯދިގެން ހިދުމަތްތައް ހުއްޓުމަކަށް ނާންނާނެ: ސަރުކާރު

ސިއްހީ ސާމާނު ނުހޯދިގެން، އެ ދާއިރާގެ ހިދުމަތްތަކަށް ހުއްޓުން ނާންނާނެކަމުގެ ޔަގީންކަން ސަރުކާރުން މިއަދު ދީފި އެވެ.

ވީ ކިހިނެއް؟- ސަރުކާރުން މިގޮތަށް ބުނީ ސަރުކާރުގެ އެންމެ ބޮޑު ހޮސްޕިޓަލު، އައިޖީއެމްއެޗްގައި ގާއިމުކޮށްފައިވާ ހިތުގެ ބަލިތަކާއި ކިޑްނީގެ ބަލިތަކަށް ފަރުވާ ދޭ ސެންޓަރު ހިންގަމުން އަންނަ ބޭރުގެ ކުންފުންޏަށް ދައްކަން ޖެހޭ 5.3 މިލިއަން ޑޮލަރު ނުދައްކާ އޮތުމުން، އެ ކުންފުނީގެ ފަރާތުން ދެމުންދާ ހިދުމަތް ހުއްޓާލަފާނެ ކަމުގެ ކަންބޮޑުވުން އިންތިހާބީ ރައީސް އޮފީހުން މިއަދު ފާޅުކޮށްފައިވަަނިކޮށް، އެކަމަށް ދިން ރައްދުގަ އެވެ.

ބުނީ ކީކޭ؟- ރައީސް އޮފީހުގެ ތަރުޖަމާން މިއުވާން މުހައްމަދު މިއަދު ވިދާޅުވީ ސިއްހީ ހިދުމަތްތައް ހުއްޓުމަކަށް ނާންނާނެ ކަމަށާއި ކޮވިޑް-19 ދުވަސްވަރު ވެސް ސިއްހީ ދާއިރާއަށް ބޭނުންވާ ސާމާނު ހުއްޓުމެއް ނެތި ގެނައި ގޮތަށް މިހާރުވެސް ލިބޭނެ ކަމަށެވެ.

"މިއަށް ވުރެ އުނދަގޫ ދުވަސްވަރެއްގައި، ކޮވިޑްގެ ތެރޭގައި ވެސް ސިއްހީ ދާއިރާއަށް ބޭނުންވާ ސާމާނު ހުއްޓުމެއް ނެތި ގެނެވުނު ފަދައިން މިހާރުވެސް ލިބޭނެ. ރައްޔިތުންގެ ހިތުގައި ބިރުވެރިކަމާ ހާސްކަން އުފެދޭ ގޮތަށް، ލިބޭ މައުލޫމާތުގެ އެއްބައި ބޭނުންކޮށްގެން މިފަދަ ވާހަކަތައް ނުފެތުރުން އެދެން," މިއުވާން ވިދާޅުވި އެވެ.

އެނގުން މުހިއްމު- އިންތިހާބީ ރައީސްގެ އޮފީހުން މ. ދިމްޔާތުގައި ބޭއްވި ނޫސްވެރިންގެ ބައްދަލުވުމުގައި، އިންތިގާލީ ކޮމިޓީން ދީފައިވާ މައުލޫމާތަށް ރިއާޔަތްކޮށް އެ އޮފީހުގެ ތަރުޖަމާނު މުހައްމަދު ފިރުޒުލް އަބްދުﷲ ހަލީލް ވިދާޅުވީ، އައިޖީއެމްއެޗުގެ އިސް ވެރިންނާ އެކު ބޭއްވި ބައްދަލުވުންތަކުން ބޮޑެތި ކަންބޮޑުވުންތަކެއް އެ ކޮމިޓީއަށް ފާހަގަކުރެވިފައިވާ ކަމަށެވެ. އެގޮތުން، އޭނާ ވިދާޅުވީ: