ވިލާ ކޮލެޖުގެ ސައިކޮލޮޖީ ސިމްޕޯސިއަމް އާއި އެގްޒިބިޝަންގައި ދަރިވަރުންގެ އިލްމާއި ހުނަރު ދައްކާލައިފި

ދުނިޔޭގެ ނަފްސާނީ ދުޅަހެޔޮކަމުގެ ދުވަހާ ގުޅުވައިގެން ވިލާ ކޮލެޖުގެ ދެ ވަނަ ސައިކޮލޮޖީ ސިމްޕޯސިއަމް އާއި އެގްޒިބިޝަން ބާއްވައިފި އެވެ.

ވީ ކިހިނެއް؟ - އިއްޔެ ވިލާ ކޮލެޖުގެ މައި ހޯލްގައި އެ ސިމްޕޯސިއަމް އިފްތިތާހުކޮށްދެއްވީ ފަސްޓް ލޭޑީ ފަޒްނާ އަހްމަދު އެވެ. އެ ކަމަނާ ވަނީ ސައިކޮލޮޖީ އެގްޒިބިޝަނަށް ޒިޔާރަތްކުރައްވައި އެ އެގްޒިބިޝަން ބައްލަވާލައްވާފަ އެވެ.

ތަފްސީލު - އެ ސިމްޕޯސިއަމް އާއި އެގްޒިބިޝަންގެ މައިގަނޑު މަގްސަދަކީ ވިލާ ކޮލެޖުގެ ސައިކޮލޮޖީ ދަރިވަރުންނަށް ވިލާ ކޮލެޖުން ދަސްވި އިލްމާއި ހުނަރުތައް ދައްކާލާނެ ޕްލެޓްފޯމެއް ފޯރުކޮށްދިނުމެވެ.

ސައިކޮލޮޖީ ސިމްޕޯސިއަމް ހުޅުވުމުގެ ރަސްމިއްޔާތުގައި ވިލާ ކޮލެޖުގެ އެސިސްޓެންޓް ޕްރޮފެސަރު އަދި އެމްއެސްސީ ކައުންސެލިން ކޯޑިނޭޓަރު ޑރ. އައިޝަަތު ނަޝީދާ ދެއްކެވި ވާހަކައިގައި ރާއްޖޭގެ ނަފްސާނީ ދުޅަހެޔޮކަމުގެ ދާއިރާއަށް ބޭނުންވާ ފަންނީ ގާބިލު މީހުން މަދުކަން ފާހަގަކުރެއްވި އެވެ.

އެ ކަމަށް ހައްލެއް ހޯދައިދިނުމުގެ ގޮތުން، ނަޝީދާ ވިދާޅުވީ ވިލާ ކޮލެޖުން މި ދާއިރާއަށް ބޭނުންވާ މީހުން ބިނާކުރުމުގެ މަސައްކަތް ކުރަމުން އަންނަ ކަމަށާއި އެ ސިމްޕޯސިއަމްއިން އެ ކޮލެޖުގެ ދަރިވަރުންގެ ހުރި ގާބިލުކަން ފެންނާނެ ކަމަށެވެ.

އެ ރަސްމިއްޔާތުގައި ފަސްޓް ލޭޑީ ފަޒްނާ ދެއްކެވި ވާހަކަފުޅުގައި ވެސް ނަފްސާނީ ދުޅަހެޔޮކަމާއި އެ ދާއިރާއާ މެދު އެކަމަނާގެ ހުންނެވި ކަންބޮޑުވުންތައް ހިއްސާކުރެއްވި އެވެ.

އޭގެ އިތުރުން އެ ރަސްމިއްޔާތުގައި ވިލާ ކޮލެޖުގެ އެމްއެސްސީ ކައުންސެލިން ދަރިވަރުންގެ ހާއްސަ ޕްރެޒެންޓޭޝަންއަކާއި މަޝްވަރާ ނުވަތަ ބަހުސް ސެޝަނެއް ވެސް ވަނީ ބާއްވާފަ އެވެ.

ސިމްޕޯސިއަމް ނިންމާލުމުގެ ގޮތުން ވިލާ ކޮލެޖުގެ ވައިސް ރެކްޓާ ޑރ. އަލީ ނަޖީބު ދެއްކެވި ވާހަކައިގައި މީގެ ތިން އަހަރު ކުރިން އެ ކޮލެޖުން ފެށި ބެޗެލާ އޮފް ސައިކޮލޮޖީ ޕްރޮގްރާމްގެ ކާމިޔާބީއަށް އަލިއަޅުވާލެއްވެވި އެވެ.

އޭނާ ވިދާޅުވި ގޮތުގައި: