ޖިހާދު ހިމެނޭހެން ޖޭޕީގެ އިސް މެމްބަރުންތަކެއް ޕީޕީއެމް އާ ގުޅިއްޖެ

މިދިޔަ ފެބްރުއަރީ މަސްތެރޭ ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް އިބްރާހީމްގެ ސްޕެޝަލް އެޑްވައިޒަރުގެ މަގާމަށް އައްޔަން ކުރެއްވި ކުރީގެ ނައިބު ރައީސް އަބްދުﷲ ޖިހާދު، ހިމެނޭހެން އެ ޕާޓީގެ އިތުރު ހަ މެމްބަރަކު ޕީޕީއެމް އާ މިރޭ ގުޅިވަޑައިގެންފި އެވެ.

ވީ ކިހިނެއް؟- ގިރާވަރު ކޮމިޓީ އާ ބައްދަލުކުރެއްވުމަށް މިރޭ، މާފަންނު މަދަރުސާ ކައިރީ ބޭއްވި ބައްދަލުވުމުގައި، ޖޭޕީ ހިމެނޭހެން އެހެން ޕާޓީތަކުގެ ކުރީގެ މެމްބަރުން ވެސް ޕީޕީއެމް އާ ގުޅިވަޑައިގަތެވެ.

ތަފްސީލް - ޖިހާދު ވަނީ ގާސިމްގެ ކެމްޕެއިންތެރޭ ރަށްރަށަށް ވަޑައިގެން ކެމްޕެއިން ތެރޭގައިވެސް ހަރަކާތްތެރިވެފަ އެވެ. ޖިހާދުގެ އިތުރުން މިރޭ ޕީޕީއެމް އާ ގުޅިވަޑައިގަތީ:

މީގެ އިތުރުން ދެވަަނަ ބުރުގައި ޖޭޕީގެ ފަރާތުން މުއިއްޒުއަށް ތާއީދުކުރައްވާ ޖޭޕީގެ ބައެއް ބޭފުޅުންގެ ނަންތައްވެސް މިއަދުގެ ބައްދަލުވުމުގައި އިއުލާން ކޮށްފައިވެއެވެ. އޭގެތެރޭގައި ހިމެނެނީ:

އެނގުން މުހިންމު - ދެ ވަނަ ބުރަށް ދިޔަ ޕީޕީއެމް-ޕީއެންސީ އަދި އެމްޑީޕީއާ އެކު މަޝްވަރާތައް ކުރުމަށް ފަހު، ޖޭޕީގެ ކައުންސިލް ބައްދަލުވުމުން  ފާސްކޮށްފައިވަނީ އިންތިހާބުގެ ދެ ވަނަ ބުރުގައި އެއްވެސް ޕާޓީއަކަށް ތާއީދު ނުކުރުމަށެވެ.

އޭގެ ފަހުން، ޕާޓީގެ އާންމު މެމްބަރުންނަށް އެޑްރެސްކޮށް ޕާޓީގެ ލީޑަރު، ގާސިމް އިބްރާހިމް ނެރުއްވި ބަޔާނެއްގައި ވަނީ ޕާޓީގެ ނަން ބޭނުން ނުކޮށް އެ މެންބަރަކަށް ފެންނަ ކެންޑިޑޭޓަކަށް ތާއީދުކުރުމުގެ ފުރުސަތު ކޮންމެ މެމްބަރަކަށް ވެސް އޮންނާނެ ކަމަށް ވިދާޅުވެފަ އެވެ. އެއާ އެކު އެ ޕާޓީގެ އިސް ސަފުގައި ތިއްބެވި ބައެއް މެމްބަރުންނާއި ކައުންސިލް މެމްބަރުން  އަންނަނީ ދެ ވަނަ ބުރުގައި އެ މެމްބަރަކު ހުންނަވަން ބޭނުންވާ ކޮޅު ނަންގަވާ، ވަކި ކެންޑިޑޭޓަކަށް ތާއީދުކުރާކަން ހާމަކުރަމުންނެވެ.