ފުލިދޫ ބަނދަރު ހެދުމުގެ މަސައްކަތް އެމްޓީސީސީއާ ހަވާލުކުރުން (ފޮޓޯ/ޕްލޭނިން މިނިސްޓްރީ)
ފުލިދޫ ބަނދަރު ހަދަން 63 މިލިއަން ރުފިޔާއަށް އެމްޓީސީސީއަށް
ވ. ފުލިދޫ ބަނދަރު ހެދުމުގެ މަސައްކަތް 63 މިލިއަން ރުފިޔާއަށް އެމްޓީސީސީއާ މިއަދު ހަވާލުކޮށްފި އެވެ.
ވީ ކިހިނެއް؟ - މިއަދު ޕްލޭނިން މިނިސްޓްރީގައި ބޭއްވި ރަސްމިއްޔާތުގައި މަސައްކަތުގެ އެއްބަސްވުމުގައި ސޮއިކުރެއްވީ:
-
އެމްޓީސީސީގެ ފަރާތުން ސީއީއޯ އާދަމް އާޒިމް
-
ޕްލޭނިން މިނިސްޓްރީގެ ފަރާތުން ޑިރެކްޓާ ޖެނެރަލް ޝާނާ ފާރޫގް
ތަފްސީލް - މި މަޝްރޫއުގެ އަގަކީ 63.46 މިލިއަން ރުފިޔާ އެވެ. މި މަޝްރޫއުގެ ދަށުން:
-
41،413 ކިއުބިކް މީޓަރުގެ ސަރަހަައްދެއް ބަނދަރު ތެރެއިން ފުން ކުރާނެ
-
7،812 ކިއުބިކް މީޓަރުގެ ސަރަހައްދެއްގެ ނެރު ފުންކުރާނެ
-
439 މީޓަރުގެ ރިވެޓްމެންޓް ޖަހާނެ
-
174 މީޓަރުގެ ޖިއޯބޭގް ރިވެޓްމެންޓް ޖަހައި 77 މީޓަރުގެ ބޭރުތޮށި ލާނެ
-
300 މީޓަރުގެ އެއްގަމުތޮށި ލައި 40 މީޓަރު ދިގު އަދި 6 މީޓަރު ފުޅާ އާރުސީ ބްރިޖެއް ހަދާނެ
-
1،450 އަކަމީޓަރުގެ ޕޭވްމަންޓް ހަދާނެ
-
ބަނދަރު ބައްތި އާއި ނެރު ބައްތި ހަރުކުރާނެ
މި މަސައްކަތް ފަށާނީ އެންވަޔަރަމެންޓް އިމްޕެކްޓް އެސެސްމެންޓު (އީއައިއޭ) ހެދުމަށް ފަހު ކަމަށް އެމްޓީސީސީން ބުންޏެވެ.