ރިޔާސީ އިންތިހާބުގެ ދެ ވަނަ ބުރުގައި ޕީޕީއެމް- ޕީއެންސީއާ އެކު ކުރިއަށްދާން އެމްއެންޕީގެ ކައުންސިލުން ނިންމައިފި

މި މަހު 30 ވަނަ ދުވަހު ބާއްވާ ރިޔާސީ އިންތިހާބުގެ ދެ ވަނަ ބުރުގައި ޕީޕީއެމް-ޕީއެންސީއާ އެކު ކުރިއަށް ދިއުމަށް މޯލްޑިވްސް ނޭޝަނަލް ޕާޓީ (އެމްއެންޕީ)ގެ ހިންގާ ގައުމީ ކައުންސިލުން މިރޭ ފާސްކޮށްފި އެވެ. ނަމަވެސް މިކަމުގައި ފަހުގެ ނިންމުން ނިންމާނީ ޕާޓީގެ އެގްޒެކްޓިވް ކޮމިޓީންނެވެ.

ވީ ކިހިނެއް؟ - ހޮނިހިރު ދުވަހު ބޭއްވި ރިޔާސީ އިންތިހާބުގެ ފުރަތަމަ ބުރުގައި 2،000އެއްހާ ވޯޓު ހޯދި އެމްއެންޕީގެ ގައުމީ ކައުންސިލުން، އެގޮތަށް ފާސްކޮށްފައި ވަނީ، 37 މެންބަރުންގެ ވޯޓާ އެވެ. 

ދެވަނަ ބުރުގައި ކޯލިޝަން ހެދުމަށް އެމްއެންޕީއަށް ޕީޕީއެމް-ޕީއެންސީގެ އިތުރުން ސަރުކާރު ހިންގާ އެމްޑީޕިން ވެސް ދައުވަތު ދީފައިވެ އެވެ.

ތަފްސީލު - އެމްއެންޕީންގެ ކައުންސިލް ބައްދަލުވުމުގައި ތިން ގޮތަކަށް ވޯޓަށް އެހި އެވެ. އެގޮތުން:

ބައްދަލުވުމަށް ފަހު، އެމްއެމްއެންޕީން މީޑިއާތަކަށް ފޮނުވި މެސެޖްގައި ބުނީ، ގައުމީ ކައުންސިލުން އެގޮތަށް ނިންމި ނަމަވެސް، ދެވަނަ ބުރުގައި ކޯލިޝަން ހަދާނެ ޕާޓީއެއް ނިންމާނީ ލީޑަރުންގެ މައްޗަށް އެކުލެވޭ ޕާޓީގެ އެގްޒެކްޓިވް ކޮމިޓީން ކަމަށެވެ.

ފާހަގަކޮށްލެވޭ ކަމެއް - އެމްއެންޕީގެ ޓިކެޓްގައި އިންތިހާބުގައި ވާދަކުރެއްވީ، އެޕާޓީގެ ރައީސް މުހައްމަދު ނާޒިމް އެވެ. އޭނާއަށް ލިބިވަޑައިގެންވީ،1،907 ވޯޓެވެ.