ފުލުހުން ބްރިޖުގެ ޓްރެފިކް ބަލަހަައްޓަނީ. (ދައުރު ފައިލް ފޮޓޯ/އަބްދުﷲ އިޔާން)
ސޯލާ ޕެނަލް ހަރުކުރަން ހައިވޭގެ ބައިތަކެއް ބަންދު ކުރަނީ
ހުޅުމާލެ-މާލެ ހައިވޭގައި ހަރުކުރާ ސޯލާ ޕެނަލްތަކުގެ މަސައްކަތެއް ކުރުމަށް ހައިވޭގެ ބައެއް ލޭނުތަކުގެ ބައެއް ސަރަހައްދުތައް ބަންދު ކުރަން ނިންމައިފި އެވެ.
ވީ ކިހިނެއް؟ - އެންވަޔަރަމެންޓު މިނިސްޓްރީން އިއްޔެ ނެރުނު ބަޔާނެއްގައި ބުނީ، ސޯލާ ޕެނަލް ހަރުކުރުމާ ގުޅޭ މަސައްކަތެއް ކުރުމަށް ލިންކު ރޯޑުގެ ހަތަރު ސަރަހައްދެއް އަދި ހުޅުމާލޭ ބޯށިމާ ހިނގުމުގެ އެއް ސަރަހައްދު ބަންދުކޮށްގެން މަސައްކަތް ކުރަން ނިންމާފައިވާ ކަމަށެވެ.
ތަފްސީލް - އެ ބަޔާނުގައި ބުނީ، މާލެ-ހުޅުމާލެ ލިންކު ރޯޑު އަދި ބޯށިމާ ހިނގުމުގެ ސަރަހައްދެއްގެ ލޭނެއް ބަންދުކޮށްގެން ބޯށިމާ ހިނގުން އަދި ހައިވޭގެ ސަބްސްޓޭޝަންގެ ފައުންޑޭޝަން މަސައްކަތް ކުރަން ނިންމާފައިވާ ކަމަށެވެ.
-
އެ މަސައްކަތް ކުރާނީ އަންނަ އާދިއްތަ އަދި ހޯމަ ދުވަހުގެ ހެނދުނު 9 އިން ހަވީރު 5އަށް
އެނގުން މުހިންމު - ވޯލްޑް ބޭންކުގެ ހިލޭ އެހީގައި ތައިލޭންޑުގެ އެންސިސް ކުންފުންޏާ ހަވާލުކޮށްގެން ހުޅުމާލެ-މާލެ ހައިވޭގައި ގާއިމުކުރާ ސޯލާ ނިޒާމުގެ ދަށުން:
-
ދުވާލަކު 5 މެގަވޮޓުގެ ސޯލާ ހަކަތަ އުފައްދާނެ
-
އަހަރެއްގެ މައްޗަށް 7.3 މިލިއަން ކަރަންޓު ޔުނިޓު އުފައްދާނެ
-
ތެލަށް ކުރާ ހޭދައިން 20 މިލިއަން ރުފިޔާއާ ހަމައަށް ކޮންމެ އަހަރަކު ސަލާމަތް ކުރެވޭނެ
-
މިއީ މިހާތަނަށް ރާއްޖޭގައި އެންމެ ގިނަ ސޯލާ ޕެނަލް ހަރުކޮށްގެން ގާއިމުކުރާ ނިޒާމު
-
ސޯލާ ޕެނަލްތަކުން އުފައްދާ ކަރަންޓު ސްޓެލްކޯއަށް ވިއްކާ ރޭޓަކީ ޔުނިޓަކަށް 10.09 ސެންޓު (1.681ރ.)