ޕެރޯލް އާއި ހުކުމްކުރުމުގެ އުސޫލުތައް މުރާޖާކުރުން ހިމަނައި ރައީސްގެ 'އަމާން މުޖުތަމައު' ސިޔާސަތު އާއްމުކޮށްފި

ކުށުގެ ވެށިން ފަރުވާ

• ގުޅުން ހުރި އިދާރާތަކާ އެކު އިންޓަ-އޭޖެންސީ ކޯޑިނޭޝަން ނިޒާމު ހަރުދަނާކުރަން ކްރައިމް ޕްރިވެންޝަން ކައުންސިލެއް އެކުލަވާލުން. އެ ޕާޓީން ގަބޫލުކުރާ ގޮތުގައި އެ ކައުންސިލްގެ ސަބަބުން ކުށުގެ ވެށިން ދުރުކުރުމަށާއި، ކުށުގެ ވެއްޓަށް ފާރަވެރިވާން ހަރަކާތްތެރިވާ އިދާރާތަކުގެ މެދުގައި ގުޅުން ވަރުގަދަކޮށް ވަށައި ޖެހޭ ނިޒާމެއްގެ ތެރެއިން ކުށް މަދުކުރެވޭނެ

• އިބަމަ އާއި އަވައްޓެރި ފުލުހުންގެ ހިދުމަތް ފަދަ އިންތިޒާމުތައް ގުޅުވާލައި، އިޖްތިމާއީ ފެންވަރުގައި މައްސަލަތަކަށް ހައްލު ހޯދޭނެ އެކްޝަން ޕްލޭނެއް އެކުލަވާލައި ތަންފީޒުކުރުން
  

• ކުށް މަދުކުރަން، ކުށަށް ހުށަހެޅޭ ސަބަބުތައް ދެނެގަނެ، އެ ސަބަބުތައް މެދުވެރިވާ މައްސަލައަށް އިދާރާތައް ގުޅިގެން އާއިލީ ވިސްނުމަކުން ވިސްނާ، ކޭސްވޯކް ކުރެވޭނެ ގޮތަށް ޑިޖިޓަލް ނިޒާމެއް ގާއިމްކުރުން
  

• ރާއްޖޭގެ މިއަދުގެ ހާލަތާ ގުޅޭ ގޮތަށް ގާނޫނީ އަދި ތަންފީޒީ އޮނިގަނޑު މުރާޖައާކުރުން
  

• ގޭންގު ކުށުގައި ބައިވެރިވުމުގެ ނުރައްކާ އޮތް ފަރާތްތައް ދެނެގަނެ، ކައުންސެލިން އަދި ވޮކޭޝަނަލް ޓްރެއިނިން ފަދަ އިންޓަވެންޝަން ޕްރޮގްރާމްތައް ހިންގުން
  

ކުށުގެ ވެއްޓަށް ފާރަވެރިވުން

• ފުލުހުންގެ ހިދުމަތް ރާއްޖޭގެ ހުރިހާ ރަށެއްގައި ފުރިހަމައަށް ގާއިމުކުރުން

• ރިއަލް ޓައިމް ރެސްޕޮންސް ސެންޓަރެއް ފުލުހުންގެ ހިދުމަތުގައި ގާއިމުކުރުން
  

• އާބާދީ ބޮޑެތި ހުރިހާ ސަރަހައްދެއްގައި ސިޓީ ސަވައިލަންސް ނިޒާމު ގާއިމުކުރުން
  

• ޑްރަގް ޓްރެފިކިން އަށް ފާރަވެރިވުމަށް ޑްރޯން ފަދަ އަންމޭންޑް ސަވެއިލަންސް އާލާތްތައް ތައާރަފްކުރުން
  

• ގޭންގުތައް ހަރަކާތްތެރިވާ ގޮތް ދެނެގަނެ، ގޭންގު ކުށްތައް ތަހުގީގު ކުރުމުގެ ގާބިލްކަން އިތުރުކުރުން
  

• ސްކޭމް، ފްރޯޑު އަދި އިގްތިސާދީ/މާލީ ކުށްތައް ހުއްޓުވަން ބޭނުންވާ ގާނޫނީ އަދި ތަންފީޒީ ބަދަލުތައް ގެނައުން
  

ކުށަށް ޒިންމާ ނެގުމާ އެކު ފަރުވާ

• ކުށަށް ޒިންމާވާން ޖެހޭ އުމުރުގެ މީހުން ކުށުގެ ވެއްޓަށް ހުޅަހެޅުމުން، އެ ކުށެއްގެ ޒިންމާ ނެގުމުގައި ބަންދު ނޫން އެހެނިހެން ބާވަތުގެ އަދަބުތައް ދިނުމުގެ އުސޫލު ހަރުދަނާކުރުން

• ޕެރޯލް، ކްލެމެންސީ އަދި ހުކުމްކުރުމުގެ އުސޫލުތައް މުރާޖައާކުރުން