'ހާސްކަނޑާލައި ހަމަޖެހުމަށް' 9 ވައުދެއް ހިމެނޭ ގާސިމްްގެ މެނިފެސްޓޯ އާންމުކޮށްފި

ދީނާއި މިނިވަންކަން ހިމާޔަތްކުރުން

• އިސްލާމް ދީން ނޫން އެހެން ދީނަކަށް ފުރުސަތު ނުދިނުން

• އަހަރެއްގެ ތެރޭގައި ގުރުއާން ތަފްސީރު ދިވެހި ބަހުން ޝާއިއުކުރުން
  

• ހުޅުލެ އާއި އުތުރާއި ދެކުނުގައި އިސްލާމިކް ސެންޓަރު ގާއިމުުކުރުން
  

• 65 އަހަރުގެ 100 މީހުން ކޮންމެ އަހަރަކު ސަރުކާރުގެ ހަރަދުގައި ހައްޖަށް ގެއްދިއުން

• ގުރުއާން ހިތުދަސްކުރާ ގައިދީންނަށް އަދަބު ލުއިކޮށްދީ، މައާފު ދިނުމުގެ އުސޫލެއް ގާއިމުކުރުން
  

• ހާއްސަ އިސްލާމިކް ލައިބްރަރީއެއް ގާއިމުކުރުން
  

• ފަތުވާ މަޖިލީހުގެ ދައުރު ހަރުދަނާ ކުރުން؛ އެ މަޖިލީހުގެ ލަފައަށް ސަރުކާރުގެ އިދާރާތަކުން އަމަލުކުރަން ޖެހޭ ގޮތް ހެދުން

• ގުރުއާން ހިތުދަސް ކުރާ މީހުންނަށް ދޭ އެލަވަންސް 3000ރ.އަށް ބޮޑުކުރުން
  

• ދަސްވެނިވުމުގެ ކުރިން އިސްލާމީ އަހްލާގިއްޔަތު މޮޑިއުލްއަށް ކިޔަވާ ގޮތަށް ހަމަޖެެއްސުން

• ޝަރުއީ ލަފާ ދޭ ކޮމިޓީއެެއް އުފެެއްދުން

ހާރިޖީ ގުޅުންތަކުގެ ބަދަހިކަން

• ބޭރުގެ އެއްވެސް އަސްކަރީ ބޭހެއް ރާއްޖޭގައި ގާއިމުކުރަން ފުރުސަތު ނުދިނުން

• ރާއްޖެ އާއި ޗާގޯސްއާ ދެމެދު ކަނޑުގެ އިން ވަކިކުރުމަށް، ކަމާ ބެހޭ ބައިނަލްއަގުވާމީ ޓްރައިބިއުނަލް، އިޓްލޮސް އިން ނިންމި ނިންމުމާ ގުޅިގެން ރާއްޖޭގެ ކަނޑުން "ގެއްލުނު" ބައި ހޯދަން ސަރުކާރުގެ ފުރަތަމަ ދުވަހު މަސައްކަތް ފެށުން

• ގައުމީ ޖާސޫސީ އިދާރާއެއް ގާއިމުކުރުން

• ފުލުހުންނާއި ސިފައިންގެ މުސާރަ ބޮޑުކުރުން
  

• ޖާސޫސީ ކަންކަމާ ބެހޭ ގާނޫނެއް ހެދުން

އަދުލުއިންސާފާއި ރައްކާތެރިކަން

• ރާއްޖެއަށް ޑްރަގް އެތެރެކުރާ ނެޓުވޯކްތައް ހޯދައި ގާނޫނީ ފިޔަވަޅު އެޅުން

• މަސްތުވާތަކެތީގެ ވަބާއިން ޒުވާނުން ސަލާމަތްކޮށް، ވަޒީފާގެ ފުރުސަތު ހޯދައިދިނުން
  

• ޖުޑީޝިއަލް ކޯޓް ކޮމްޕްލެކްސްއެއް ގާއިމުކުރުން
  

• ޝަރުއީ ދާއިރާއަށް ހާއްސަކޮށް ބޯހިޔާވަހިކަން ފޯރުކޮށްދިނުން
  

• ކުށްކުރާ ކުދިން އިސްލާހުކުރަން ތިން މަރުކަޒެއް ގާއިމުކުރުން

• ގައިދީންނަށް އާމްދަނީ ލިބޭ ގޮތް ފަހިކޮށްދިނުން

ދަރަނިން ނެއްޓި، އިގްތިސޯދީ ދުވެލި މެކުހަށް

• ޝަރުތު ހަމަވާ އެންމެންނަށް ވަޒީފާ ހޯދައިދީ، ވަޒީފާ ނެތް މީހުންގެ ރޭޓް %0އަށް ގެންދިއުން

• ގައުމުގެ އުފެއްދުންތެރިކަމުގެ މިންވަރު %10ގައި ހިފެހެއްޓުން
  

• އުފެއްދުންތެރިކަމުގެ ނިސްބަތުން ބޮލަކަށް ޖެހޭ އާމްދަނީގެ މިންވަރު 18،000 ޑޮލަރުން 27،000 ޑޮލަރަށް މަތިކުރުން
  

• ފަތުރުވެރިކަމުގެ ސިނާއަތުން ދައުލަތަށް ލިބޭ އާމްދަނީ 8 ބިލިއަން ޑޮލަރަށް މަތިކުރުން
  

• ޔޫޒަބަލް ނުވަތަ ބޭނުންކުރެވޭ ރިޒާވް 1 ބިލިއަން ޑޮލަރަށް މަތިކުރުން
  

• ފަސް އަހަރުގެ ތެރޭ ފޮރިން ޑައިރެކްޓް އިންވެސްޓްމަންޓް 15 ބިލިއަން ޑޮލަަރަށް މަތިކުރުން
  

• މުދަލާއި ހިދުމަތުގެ އަގު ބޮޑުވާ ނިސްބަތް ނުވަތަ އިންފްލޭޝަން %2ގައި ހިފެހެއްޓުން
  

• ދައުލަތުގެ ދަރަނި ގައުމީ އުފެއްދުންތެރިކަމުގެ ނިސްބަތުން %90އަށް ތިރިކުރުން
  

• ފަގީރުކަމުގެ މިންގަނޑު ކަނޑައަޅައި ފަގީރުންނަށް 3،000ރ.ގެ ސީދާ އެހީ ދިނުން
  

• މާލީ ދާއިރާގެ ވިޔަފާރި ޒަމާނީކުރުން
  

• ދަތުރުފަތުރުގެ ވިއުގަ ޒަމާނީކުރުން
  

• ދައުލަތުގެ ކުންފުނިތަކުގެ ހިންގުން އިސްލާހުކުރުން
  

ތަރައްގީގެ ފޮނި މީރުކަން ރާއްޖޭގެ އެކި ކަންކޮޅުތަކަށް

• އިގްތިސޯދާއި އިޖްތިމާއީ ތަރައްގީގެ ހަތް ސަރަހައްދު ގާއިމުކުރުން

• އިގްތިސޯދީ، އިޖުތިމާއީ އަދި އުމްރާނީ ކުރިއެރުން ހޯދުމަށް ކުރެވޭ އެންމެހާ ކަންކަމަކީ ތިމާވެއްޓާއި ރައްޓެހި މަސައްކަތްތަކަކަށް ހެދުން
  

• ރާއްޖޭގެ ގުދުރަތީ ވެއްޓާއި ދިރޭތަކެތީގެ މުއްސަނދިކަމާއި ގުދުރަތީ ވަސީލަތްތަކާއި ރީތިކަން މިހާރާއި އަންނަން އޮތް ޖީލުތަކުގެ މަންފާއަށްޓަކާ ރައްކާތެރިކަމާ އެކު ފޯރުކޮށްދިނުން

ސިނާއަތްތަކާއި ވިޔަފާރީގެ ނަފާ އާއިލާތަކުގެ ޖީބަށް

• ދަނޑުވެރިކަމުގެ ސިނާއަތުން ފުރިހަމަ މަންފާ ލިބޭނޭހެން، ބޭނުންވާނެ އާލާތްތަކާއި ވަސީލަތްތައް ލިބޭނެ މަގު ތަނަވަސްކޮށްދީ، އުފެއްދުންތަކަށް އެކަށޭނަ ނަފާ ލިބޭނެ، ދެމެހެއްޓެނިވި ވިޔަފާރީގެ ފުރުސަތު ފަހިކޮށްދިނުން

• ދިވެހި ކަނޑުތައް ހިމާޔަތްކޮށް، ކަނޑުތަކުގެ މުއްސަނދިކަމުގެ ހަޒާނާ އިން ދިވެހިންނަށް ހަމަހަމަކަމާ އެކު ނަފާވާނެހެން، ދެމެހެއްޓެނިވި ގޮތެއްގައި މަސްވެރިކަން ކުރެވޭނެ މަގު ތަނަވަސްކޮށްދީ، އެންމެ ފުރިހަމަ މަންފާއެއް ހޯދައިދިނުން
  

• ގެސްޓްހައުސް ވިޔަފާރި ފުޅާކުރުން
  

• ކުދި އަދި މެދުފަންތީގެ ވިޔަފާރި ފުޅާކުރުން؛ މީގެ ތެރޭގައި، 500 ސްމޯލް ބިޒްނަސް ލީޑަރުން އުފައްދައި 100 މިލިއަނަރުން އުފެއްދުން ހިމެނޭ
  

ބޯހިޔާވަހިކަމާއި ސްމާޓު ރާއްޖެ

• 30،000 ހައުސިން ޔުނިޓު އަޅައި އެންމެންނަށް ބޯހިޔާވަހިކަން ފޯރުކޮށްދިނުން

• މާލެ ސަރަހައްދުގައި 15،000 ހައުސިން ޔުނިޓު އަޅައި ނިންމުން
  

• ކައިވެންޏަށް ފަހު ދިރިއުޅުން ފަށާ ޒުވާނުންނަށް ބޯހިޔާވަހިކަން ފޯރުކޮށްދޭން 18،000 ހައުސިން ޔުނިޓް އެޅުން
  

• ހިޔާ ފްލެޓުތަކުގެ އިތުރަށް، ފުލުހުންނާއި ސިފައިންގެ ފްލެޓުތަކުގެ ކުލި ވެސް މައާފް ކޮށްދިނުން 

• ފުލުހުންނާއި ސިފައިންނަށް އިތުރު 1000 ހައުސިން ޔުނިޓް ތިން އަހަރުގެ ތެރޭގައި ހަވާލުކުރުން
  

• އިންޓަނެޓު އަސާސީ ހިދުމަތަކަށް ހަދައި ކޮންމެ ގޭބިސީއަކަށް ދަށްވެގެން 25 އެމްބީޕީއެސް ލިބޭ ގޮތް ހެދުން
  

ސިއްހީ ފަރުވާ އާއި އޯގާތެރިކަން

• އާސަންދައިގެ ތެރޭގައި، ބޭސްފަރުވާއަށް ރާއްޖެއިން ބޭރަށް ގޮސް ހުރުމާއި ކެއުން ފަދަ ހަރަދުތައް ހިމެނުން

• ރާއްޖޭގެ ހަތް ސަރަހައްދެއްގައި ޓާޝަރީ ހޮސްޕިޓަލްތައް ގާއިމުކުރުން
  

• ތެލެސީމިއާ ކުދިންނަށް ހާއްސަ އިނާޔަތެއް ހަމަޖެއްސުން
  

• ހާއްސަ އެހީއަށް ބޭނުންވާ މީހުންގެ އެލަވެންސް ބޮޑުކުރުން؛ އެ މީހުންނަށް ވަޒީފާ ހަމަޖެއްސުމަށް ހާއްސަ ޔުނިޓެއް ގާއިމުކުރުން

ފެންވަރު ރަނގަޅު ތައުލީމުގެ ހިތްހަމަޖެހުން

• ތައުލީ ނިޒާމުގެ ތެރެއިން އިސްލާމްދީނަށް ލޯބި ކުރާ، ގައުމުގެ ދެކެ ލޯބިވުމުގެ ރޫހު އަށަގެންފައިވާ، ގައުމިއްޔަތާއި ތަރިކަ އާއި ސަގާފަތަށް ރައްކާތެރިވާ، އިންސާނީ ހައްގުތަކަށް އިހްތިރާމްކުރާ، ހަމަހަމަ އުނގެނުމުގެ ފުރުސަތު ފަހިވެފައިވާ، ފަހުރުވެރި ދަރިން ބިނާކުރުން

• ވެރިކަމުގެ 100 ދުވަހުގެ ތެރޭގައި އަރަބިއްޔާ ސްކޫލުގެ މައްސަލައަށް ހައްލު ގެނައުން
  

• ޖާގަ ހުރި ސްކޫލުތަކުގައި ޑޭކެއާ ތައާރަފްކުރުން
  

• އަމިއްލަ ފަރާތްތަކަށް ސްކޫލުތައް ހިންގުމުގެ ފުރުސަތު ދިނުން
  

އަންހެނުންނާއި ޒުވާނުންނާއި އިސްރަށްވެހިންގެ އުފާވެރިކަން

• ސިޔާސީ މަގާމުތަކަށް އައްޔަންކުރުމުގައި ޖިންސުގެ ތަފާތުކަން ނައްތާލުން

• އެކަނިވެރި މައިންނަށް ހާއްސަ ކޯޓާއެއްގެ ދަށުން ގެދޮރުވެރިކަން ފަހިކޮށްދިނުން
  

• މެޓާނިޓީ ލީވްގެ ހަ މަސްދުވަހަށް ފަހު، އޮފީހާއި ގޭގައި މަސައްކަތް ކުރެވޭ ގޮތަށް އިތުރު ހަ މަސްދުވަސް ދިނުން
  

• އުފަންވާ ކޮންމެ ކުއްޖަކަށް 5000ރ.ގެ މާލީ އެހީއެއް ދިނުން
  

• ޒުވާނުންނަށް ހާއްސަ 'އިންޓަނޭޝަނަލް ފިލްމް އައިލެންޑް'އެއް ހެދުން
  

• ރަސްމީ ހުރިހާ އެސޯޝިއޭޝަނަކަށް ބިން މިލްކުކޮށްދީ، އެ ޖަމިއްޔާތަކަށް ދާއިމީ ބޯހިޔާވަހިކަން ދިނުން
  

• ކްލަބްތަކަށް މާލީ އެހީތެރިކަން ފޯރުކޮށްދިނުން