ފަނޑިޔާރުންގެ މުސާރަ %75 ބޮޑުކޮށްދޭން ގާސިމް ވައުދުވެއްޖެ

އޭނާގެ ވެރިކަމެއްގެ ފުރަތަމަ 100 ދުވަހުގެ ތެރޭގައި، ފަނޑިޔާރުންގެ މުސާރަ %75 ބޮޑުކޮށް، ޝަރުއީ ދާއިރާގައި މަސައްކަތް ކުރާ އެހެން ހުރިހާ މުވައްޒަފުންގެ މުސާރަ ވެސް ބޮޑުކޮށްދެއްވުމަށް، ޖުމްހޫރީ ޕާޓީ (ޖޭޕީ)ގެ ލީޑަރު ގާސިމް އިބްރާހިމް މިރޭ ވައުދުވެވަޑައިގެންފި އެވެ.

ވީ ކިހިނެއް؟ - ގާސިމް އެހެން ވިދާޅުވީ އަންނަ މަހުގެ 9ގައި އޮންނަ ރިޔާސީ އިންތިހާބަށް ޖޭޕީން ހުށަހަޅާ މެނިފެސްޓޯ އިފްތިތާހުކުރުމަށް، އެ ޕާޓީގެ މައި ޖަގަހަ ހުންނަ މ. ކުނޫޒުގައި މިރޭ ބޭއްވި ރަސްމިޔާތެއްގަ އެވެ.

ތަފްސީލް - މެނިފެސްޓޯ އިފްތިތާހުކޮށްދެއްވުމަށް ފަހު ވާހަކަދައްކަވަމުން ގާސިމް ވިދާޅުވީ، ފަނޑިޔާރުންގެ މުސާރަ އެންމެ ފަހުން ބޮޑުކޮށްފައި ވަނީ، ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި އޭނާ ފިނޭންސް މިނިސްޓަރަކަށް ހުންނެވިއިރު ކަމަށާއި، އޭގެ ފަހުން ފަނޑިޔާރުންގެ މުސާރައަށް އެއްވެސް ބަދަލެއް އައިސްފައި ނުވާ ކަމަށެވެ.

ނަމަވެސް، މިފަހަރުގެ އިންތިހާބު ކާމިޔާބުކުރެއްވިއްޖެ ނަމަ، ވެރިކަމުގެ ފުރަތަމަ 100 ދުވަހުގެ ތެރޭގައި، ޝަރުއީ ދާއިރާގެ ހުރިހާ މުވައްޒަފުންގެ މުސާރަ ބޮޑުކޮށްދެއްވާނެ ކަމަށް ގާސިމް ވިދާޅުވި އެވެ. އެގޮތުން، އޭނާ ވިދާޅުވީ:

މީގެ އިތުރުން، ޝަރުއީ ދާއިރާގެ އިމާރާތްތަކާއި ވަސީލަތްތައް ތަނަވަސްކޮށްދީ، ތައުލީމާއި ތަމްރީންގެ ފުރުސަތުތައް ފަހިކޮށްދެއްވުމަށް ވެސް، ތިން ވަނަ ފަހަރަށް ރިޔާސީ އިންތިހާބެއްގައި ވާދަކުރައްވާ ގާސިމް ވައުދުވެވަޑައިގަތެވެ.

"ސުޕްރީމް ކޯޓާއި ހައި ކޯޓުގެ އަދި [ޖާގައިގެ] ދަތިކަން ދިމާވެފައިވާ އެ ނޫން އެހެން  ކޯޓުތައް، އަޅުގަނޑުގެ ވެރިކަމުގެ ދެ އަހަރު ނިމުމުގެ ކުރިން އިމާރާތްކޮށްދީ، އެ ތަންތަނަށް ބަދަލުކުރާނަން،" މާމިގިލީ ދާއިރާގެ މެމްބަރުކަން ވެސް ކުރައްވާ ގާސިމް ވިދާޅުވި އެވެ.

އޭގެ އިތުރުން، ގާސިމް މިރޭ ވެވަޑައިގެންނެވި އެެހެން ވައުދުތަކުގެ ތެރޭގައި ހިމެނެނީ: