ޔާމީންގެ ކެންޑިޑެސީ ބަލައިނުގަތުމަށް ނިންމީ ރަނގަޅަށް ކަމަށް ސުޕްރީމް ކޯޓުން ނިންމައިފި

ޔާމީންގެ ކެންޑިޑެސީ ބަލައިނުގަތުމަށް ނިންމީ ރަނގަޅަށް ކަމަށް ސުޕްރީމް ކޯޓުގެ ހަތް ފަނޑިޔާރުން އިއްތިފާގުވެއްޖެ.

ޔާމީންގެ ކުށުގެ ރެކޯޑު ފޯމުތަކަށް ބެލުމުން އެ މަނިކުފާނުގެ މައްޗަށް މަނީ ލޯންޑަރިންނާއި ރިޝްވަތުގެ ކުށް ސާބިތުވެ 11 އަހަރުގެ ހުކުމެއް އިއްވާފައިވުމުން އީސީން ޔާމީންގެ ކެންޑިޑެސީ ބަލައިނުގަތުމަށް ނިންމީ ރަނގަޅަށް ކަމަށް ސުއޫދުގެ ރައުޔުގައި ނިންމެވި.

ގާނޫނުއަސާސީގެ 109 ވަނަ މާއްދާގައި ބުނާ ޝަރުތު ޔާމީންގެ ކިބައިގައި ފުރިހަމަ ނުވާ ކަމަށް ނިންމޭނީ ނިހާއީ ހުކުމެއް އޮތް ނަމަ ކަމަށް ޔާމީންގެ ފަރާތުން ފާހަގަކޮށްފައިވާ ނުކުތާގައި ފަނޑިޔާރު ސުއޫދު ވިދާޅުވީ:

ޖޫރިމަނާއާ ގުޅޭ ގޮތުން ފަނޑިޔާރު ސުއޫދުގެ ރައުޔަކީ، ކެންޑިޑެސީ ފޯމު ހުށަހެޅިއިރު ސާބިތު ދަރަންޏެއް އޮތް ކަމަށް ސާފުކޮށް އެނގެން އޮތުމުން ޝަރުތު ފުރިހަމަ ނުވާ ކަމަށް އީސީން ނިންމާފައިވަނީ ރަނގަޅަށް ކަމަށް. އަދި ހައި ކޯޓުން އެ މައްސަލާގައި ގޮތެއް ނުނިންމާ އޮތުމަކީ އެ ފައިސާ ނުދައްކަންވީ ސަބަބެއް ނޫން ކަމަށް.

ފަނޑިޔާރު ސުއޫދު: ޖޫރިމަނާ ދެއްކުމަށް ކްރިމިނަލް ކޯޓުގެ ހުކުމުގައި ދީފައިވާ ހަ މަސްދުވަސް ހަމަވުމުން މީރާ އިން ޔާމީނަށް ނޯޓިސް ފޮނުވާފައިވާ ކަމަށާއި، އެ ނޯޓިސް ޔާމީންގެ ގާނޫނީ ވަކީލުންނަށް ހަވާލުކޮށްދިނުމަށް އެދި ޔާމީން އިނގިލީގެ ނިޝާން ޖައްސަވައި ސޮއިކުރައްވާފައިވާ ކަމަށް ކަރެކްޝަންސްގެ ރެކޯޑުތަކުން ދައްކާ ކަމަށް އެ އިދާރާ އިން ކޯޓަށް މައުލޫމާތު ދީފައިވޭ.

ޝަރީއަތުގެ މަޖިލިސް ފެށުމުގެ ގޮތުން އުއްތަމަ ފަނޑިޔާރު އަހުމަދު މުއުތަސިމް އަދުނާން ވިދާޅުވީ ކޮންމެ ފަނޑިޔާރަކު ވެސް އެ ފަނޑިޔާރެއްގެ ރައުޔު ވަކިން އިއްވަވާނެ ކަމަށް. ފުރަތަމަަ ރައުޔު އިއްވާނީ ފަނޑިޔާރު ހުސްނުއް ސުއޫދު. އެއަށް ފަހު އުއްތަމަ ފަނޑިޔާރު މުއުތަސިމް އަދުނާން ހުކުމް އިއްވަވާނެ.

ޝަރީއަތުގެ މަޖިލިސް ފަށައިފި.

އާ ގާނޫނުއަސާސީގެ ދަށުން ބޭއްވި ފުރަތަމަ ރިޔާސީ އިންތިހާބަށް ކުރިމަތިލެއްވި ކުރީގެ ރައީސް މައުމޫން އަބްދުލްގައްޔޫމާއި އެމްޑީޕީގެ ކެންޑިޑޭޓް މުހައްމަދު ނަޝީދުގެ މައްސަލަ ހުށައެޅީ އަމިއްލަ ދެ ފަރާތަކުން. މައުމޫނަކީ ސުންނީ މުސްލިމެއް ނޫން ކަމަށް ބުނެ މައްސަލަ ވެއްދީ ދީނީ އިލްމުވެރިޔާ ހުސެއިން ރަޝީދު އަހުމަދު. ނަޝީދުގެ މައްޗަށް 2001 ގައި އިއްވި ވައްކަމުގެ ހުކުމަކީ ހައްދު ހިމެނޭ މައްސަލައެއް ކަމަށް ބުނެ ވެއްދީ އޭރުގެ ވަރަށް ޒުވާން އެކްޓިވިސްޓެއް ކަމަށްވާ މޫސާ އަންވަރު. ގާނޫނުއަސާސީ ބުނާ ގޮތުން ރިޔާސީ ކެންޑިޑޭޓަކަށް ވުމުގެ ޝަރުތުތަކުގެ ތެރޭގައި ސުންނީ މުސްލިމަކަށް ވުމާއި ހައްދު ހިމެނޭ ކުށެއް ޝަރީއަތަށް ސާބިތުވެފައި ނުވުން ހިމެނޭ. ރާއްޖޭގައި ފުރަތަމަ ފަހަރަށް އުފެއްދި ވަގުތީ ސުޕްރީމް ކޯޓުން ނިންމީ ދެ މައްސަލަ ވެސް ސާބިތުނުވާ ކަމަށް.

ރާއްޖޭގެ އާ ގާނޫނުއަސާސީއަށް މާދަމާ 15 އަހަރު ފުރޭ އިރު، ރިޔާސީ އިންތިހާބުގައި ވާދަކުރަން ހުށައެޅި ކެންޑިޑޭޓެއްގެ ޝަރުތާ މެދު ގޮތެއް ނިންމަން ސުޕްރީމް ކޯޓަށް ދިޔަ މިއީ ދެ ވަނަ ފަހަރު. މީގެ ކުރިން ސުޕްރީމް ކޯޓުން އެފަދަ މައްސަލައެއް ބެލީ 2008ގެ އިންތިހާބާ ގުޅިގެން

އިލެކްޝަންސް ކޮމިޝަނާއި ޔާމީންގެ ވަކީލުން ޝަރީއަތުގެ މަޖިލީހަށް ވަދެވަޑައިގެންފައި

ޝަރީއަތުގެ މަޖިލީހަށް ކަރެކްޝަންސްގެ ބެލުމުގެ ދަށުން ޔާމީން ވައްދައިފި.

އިދިކޮޅުގެ އިސް ބޭފުޅުން ވަނީ މިއަދު 8 ހާއިރުން ފެށިގެން ސުޕްރީމް ކޯޓު ދޮށުގައި ކިއޫ ޖެހިފައި.