ސިނަމާލެ ބްރިޖުގައި މީގެ ކުރިން ކާރަކާއި ސައިކަލެއް ޖެހި ހިނގި އެކްސިޑެންޓަކަށް ފަހު ފުލުހަކު ޓްރެފިކް ބަލަހައްޓަނީ (ދައުރު ފޮޓޯ/އަބްދުﷲ އިޔާން)
ބްރިޖުގައި މަސައްކަތް ކުރަން ހުރި މީހެއްގެ ގައިގައި ސައިކަލަކުން ޖެހި އަނިޔާވެއްޖެ
ސިނަމާލެ ބްރިޖުގައި ރޭ ހިނގި އެކްސިޑެންޓެއްގައި، ބްރިޖުގެ މަރާމާތު މަސައްކަތެއް ކުރަން ހުރި މީހަކަށް އަނިޔާވެއްޖެ އެވެ.
ވީ ކިހިނެއް؟ ރޭ 9:35 ހާއިރު މި އެކްސިޑެންޓް ހިނގީ ހުޅުމާލެއިން މާލެއަށް ދަތުރުކުރާ ފަޅިން ދުއްވާފައި ދިޔަ ސައިކަލަކުން އެ މީހާގެ ގައިގައި ޖެހިގެންނެވެ.
ތަފްސީލް - ފުލުހުން މިއަދު ބުނިގޮތުގައި ސައިކަލު ދުއްވި މީހާއަށް ވެސް އަނިޔާވެގެން ހޮސްޕިޓަލަށް ގެންގޮސްފައިވެ އެވެ.
އަނިޔާވެގެން އައިޖީއެމްއެޗް ހޮސްޕިޓަލަށް ގެންދިޔައީ:
-
ސައިކަލު ދުއްވި 49 އަހަރުގެ ދިވެހި ފިރިހެނެއް؛ އޭނާގެ އަތުގައި ލައިސަންސް އޮތް ކަމަށް ފުލުހުން ބުނި
-
ބްރިޖުގައި މަސައްކަތްކުރަން ހުރި 30 އަހަރުގެ ބަންގްލަދޭޝް ފިރިހެނެއް
އެ މީހުންނަށް ލިބިފައިވާ އަނިޔާތަކުގެ ތަފްސީލެއް ފުލުހުން ނުދެ އެވެ. އަދި އައިޖީއެމްއެޗްއަށް ގުޅުމުން ފޯނަށް ޖަވާބު ނުދޭތީ އެ މައުލޫމާތު ސާފުވާ ގޮތެއް ނުވެ އެވެ.
ކޮމެންޓް (1)
ސަލީމު