ހުޅުމާލޭގައި ދެ ކާރެއް ޖެހި ހިނގި އެކްސިޑެންޓެއްގައި 65 އަހަރުގެ މީހަކު މަރުވެއްޖެ

ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި 65 އަހަރުގެ މީހަކު މަރުވެއްޖެ އެވެ.

ވީ ކިހިނެއް؟ މި އެކްސިޑެންޓު ހިނގީ ހުޅުމާލޭ ފުރަތަމަ ފިޔަވަހީގެ ހިތިގަސްމަގުގައި ޕްލެޓިނަމް ރެސިޑެންސް ކައިރީ މިއަދު ހަވީރު 5:47 ހާއިރު ދެ ކާރެއް ޖެހިގެންނެވެ. 

ތަފްސީލް - ފުލުހުން ދެންމެ ބުނިގޮތުގައި އެކްސިޑެންޓުގައި ޖެހުނު ދެ ކާރުގެ ތެރެއިން އެއް ކާރު ކޮންޓްރޯލް ނުވެ ގޮސް މަގުމަތީގައި ހުރި ޑިވައިޑަރުތަކުގައި ޖެހުނެވެ.

ފުލުހުން ބުނި ގޮތުން:

މި ހާދިސާގައި މަރުވި 65 އަހަރުގެ މީހާ ހުޅުމާލެ ހޮސްޕިޓަލަށް ގެންދިޔަ އިރު ވެސް އޮތީ މަރުވެފައި ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.

'ދައުރު' އަށް ލިބިފައިވާ ފޮޓޯތަކުން ފެންނަ ގޮތުގައި އަނިޔާވި ޑްރައިވަރު ދުއްވަން އިން ކާރުގެ ކުރީކޮޅަށް ބޮޑު ގެއްލުންތަކެއް ލިބިފައިވެ އެވެ.