އެކްސިޑެންޓުގައި އަނިޔާވި ޒުވާނާއަށް އެހީވާން ބަޔަކު މަސައްކަތްކުރަނީ.
ބަހަަކާއި ސައިކަލެއް ޖެހި އަނިޔާވި ޒުވާނާ ވެންޓިލޭޓަރުގައި
ހުޅުމާލެ ދެވަނަ ފިޔަވަހީގައި މިދިޔަ ބުރާސްފަތި ދުވަހު ބަހަކާއި ސައިކަލެއް ޖެހި ހިނގި އެކްސިޑެންޓުގައި އަނިޔާވި ޒުވާނާއަށް ވެންޓިލޭޓަރުގައި ފަރުވާދެމުންދާ ކަމަށް އައިޖީއެމްއެޗުން މިއަދު ބުނެފި އެވެ.
ވީ ކިހިނެއް؟ - ހުުޅުމާލެ ދެވަނަ ފިޔަވަހީގެ ގުލްހަޒާރުމާ ހިނގުމާއި ދުނބުރިގަސް މަގު ގުޅުނު ކަންމަތީގައި މި އެކްސިޑެންޓު ހިނގާފައިވަނީ މިދިޔަ ބުރާސްފަތި ދުވަހުގެ ހެނދުނު 8:51 ހާއިރު އެވެ.
ތަފްސީލް - ފުލުހުން ބުނި ގޮތުގައި:
-
އެކްސިޑެންޓުގައި ސީރިއަސް އަނިޔާތަކެއް ލިބިގެން އެ ދުވަހު ހުޅުމާލެ ހޮސްޕިޓަލަށް ގެންގޮސްފައިވަނީ، ސައިކަލު ދުއްވަން އިން 19 އަހަރުގެ ދިވެހި ޒުވާނެއް
-
ހުޅުމާލެ ހޮސްޕިޓަލުގައި ފަރުވާދިނުމަށް ފަހު އޭނާއަށް މިހާރު ފަރުވާދެމުންދަނީ އައިޖީއެމްއެޗުގައި
އައިޖީއެމްއެޗުގެ ތަރުޖަމާނަކު މިއަދު 'ދައުރު'އަށް ވިދާޅުވި ގޮތުގައި، އޭނާއަށް ފަރުވާދެމުންދަނީ އައިސީޔޫގައި، ވެންޓިލޭޓަރުގައި ބާއްވައިގެންނެވެ. ނަމަވެސް، އޭނާއަށް ލިބިފައިވާ އަނިޔާތަކުގެ ތަފްސީލެއް އޮފިޝަލް ނުދެއްވަ އެވެ.
އެނގުން މުހިންމު - ހުޅުމާލޭ ދެވަނަ ފޭސްގައި ނުރައްކާތެރި އެކްސިޑެންޓް ހިނގުން ވަނީ އިތުރުވެފަ އެވެ. މި ފަހުން އެ ތަނުގައި ހިނގި ނުރައްކާތެރި އެކްސިޑެންޓެއްގައި މީހަކު މަރު ވެސް ވެފައިވެ އެވެ.