އަބްދުﷲ ޖަމީލު އަވަހާރަވުމުގެ ހިތާމާގައި 3 ދުވަހަށް ދިދަ ބައި ދަނޑިއަށް ތިރިކުރަނީ

ކުރީގެ މިނިސްޓަރު އަބްދުﷲ ޖަމީލް އަވަހާރަވުމުގެ ހިތާމައިގައި، މާދަމާ އިން ފެށިގެން ތިން ދުވަހުގެ ނިޔަލަށް ގައުމީ ދިދަ ބައި ދަނޑިއަށް ތިރިކުރުމަށް ރައީސް އިބްރާހީމް މުހައްމަދު ސޯލިހް ނިންމަވައިފި އެވެ.

ވީ ކިހިނެއް؟ - އަބްދުﷲ ޖަމީލް އަވަހާރާވީ މިއަދުގެ ހެނދުނުގެ ވަގުތެއްގައި އޭނާގެ ގެ، މ. ދޫރެސްގަ އެވެ. އަވަހާރަވި އިރު އުމުރަކީ 87 އަހަރެވެ.

ތަފްސީލް - އެކަމުގެ ހިތާމައިގައި ގައުމީ ދިދަ ބައި ދަނޑިއަށް ތިރިކުރަން ނިންމާފައިވަނީ، ރައީސް އޮފީހުން ބުނި ގޮތުގައި، މާދަމާގެ މެންދުރު ފަހު 1 އިން ފެށިގެން އަންނަ ބުރާސްފަތި ދުވަހުގެ މެންދުރު ފަހު 1އާ ހަމައަށެވެ.

އެނގުން މުހިންމު - އަބްދުﷲ ޖަމީލަކީ 6 މޭ 1953 އިން ފެށިގެން، 54 އަހަރަށް ވުރެ ދިގު މުއްދަތެއްގައި ދައުލަތަށާއި ގައުމަށް ގިނަ ހިދުމަތްތަކެއް ކުރައްވާފައިވާ ބޭފުޅެކެވެ.

ޖަމީލް އަދާކުރެއްވި މަގާމުތަކުގެ ތެރޭގައި:

ކުރީގެ ހައުސިން މިނިސްޓަރު އަދި ހުޅުމާލެ ތަރައްގީގައި އިސް ދައުރެއް އަދާކުރެއްވި މައުރޫފް ޖަމީލްއަކީ އަބްދުﷲ ޖަމީލްގެ ދަރިކަލެކެވެ. އަދި ކުރީގެ ފޮރިން މިނިސްޓަރު ފަތުހުﷲ ޖަމީލްއަކީ އަބްދުﷲ ޖަމީލްގެ ކޮއްކޯފުޅެވެ.