ނިހާންގެ މައްޗަށް ކުރާ ދައުވާތަކުގެ ތަހުގީގީ ފައިލްތައް ދައްކަން އަންގައިފި

ރައްޔިތުންގެ މަޖިލީހުގެ ވިލިމާލޭ ދާއިރާގެ ކުރީގެ މެމްބަރު އަހުމަދު ނިހާން ހުސެއިން މަނިކުގެ މައްޗަށް ދައުލަތުން ކުރާ ދައުވާތަކުގެ ތަހުގީގީ ހުރިހާ ފައިލްތަކެއް އޭނާއާ ހިއްސާކުރަން ޕްރޮސިކިއުޓަ ޖެނަރަލް (ޕީޖީ)ގެ އޮފީހަށް ކްރިމިނަލް ކޯޓުން މިއަދު އަންގައިފި އެވެ.

މައްސަލައިގެ ފެށުން - ނިހާން މަޖިލީހުގެ މެމްބަރަކަށް އަދި މަޖިލީހުގެ މާލިއްޔަތު ކޮމިޓީގެ މެމްބަރަކަށް ހުންނެވިއިރު ކުރީގެ ނައިބު ރައީސް އަހުމަދު އަދީބުގެ އަތުން ރިޝްވަތަށް އެދިވަޑައިގެން، ރިޝްވަތު ހޯއްދެވި ކަމުގެ ތުހުމަތުގަ އާއި ފައިސާ ލޯންޑާކުރެއްވި ކަމަށް ބުނެ ދައުލަތުން ވަނީ އޭނާގެ މައްޗަށް ފަސް ދައުވާއެއް ކޮށްފަ އެވެ. އެއީ:

ވީ ކިހިނެއް؟ - މިއަދު ކްރިމިނަލް ކޯޓުގައި އޮތީ މި މައްސަލައިގެ ޝަރީއަތް ފެށުމަށް ބޭއްވި އަޑުއެހުމެކެވެ. މައްސަލައިގެ އިފްތިތާހީ ބަޔަނާ ހުށަހަޅަން ފެށުމުގެ ކުރިން ނިހާންގެ ފަރާތުން ދެ ހުށަހެޅުމެއް ހުށަހަޅަން ބޭނުންވާކަން ފާހަގަކުރި އެވެ. އެއީ:

ތަފްސީލް - މިކަމާ ގުޅިގެން މިއަދުގެ އަޑުއެހުމުގައި ގޮތް ނިންމުމުގެ ކުރިން ދައުލަތުން އެކަމާ ބެހޭ ގޮތުން ވާހަކަދެއްކުމަށް ފުރުސަތު ދިނެވެ. ދައުލަތުން ފާހަގަކުރީ، މައްސަލާގައި ހިމެނޭ ތަހުގީގީ ފައިލުތަކަކީ ދިފާއު ބިނާކުރަން މުހިންމު މައުލޫމާތެއް ނަމަ އެ ހައްގު އޮންނާނެ ކަމަށާއި، އެ ފުރުސަތު ދިނުމަށް ދައުލަތުގެ އިއުތިރާޒެއް ނެތް ކަމަށެވެ. އެކަމަކު ހެއްކާ ބެހޭ ގާނޫނުގެ ދަށުން ހުށަހެޅުން ހުށަހަޅަން އިފްތިތާހީ ބަޔާން އިއްވުމަށް ފަހު ވެސް ފުރުސަތު ލިބޭނެތީ މި މަރުހަލާގައި އެ ފުރުސަތު ދިނުމަށް ނުފެންނަކަން ދައުލަތުން ފާހަގަކުރި އެވެ.

ދެ ފަރާތުގެ ވާހަކަތަކަށް ފަހު މިއަދުގެ އަޑުއެހުމުގައި ގާޒީ އަލީ އާދަމް ނިންމެވީ މައްސަލާގައި ހިމެނޭ ތަހުގީގީ ހުރިހާ ފައިލުތަކެއް ނިހާންއާ ހިއްސާކުރުމަށެވެ. އަދި އެކަން ކުރާނެ ތާރީހެއް އިދާރީ މޭޒާ ވާހަކަދެއްކުމަށް ފަހު އަންގާނެ ކަމަށް އޭނާ ވިދާޅުވި އެވެ.

ޖިނާއީ އިޖުރާއަތުގެ ދަށުން ހުށަހެޅުން ހުށަހެޅުމުގެ ފުރުސަތު މި މަރުހަލާގައި ނުދޭން ގާޒީ އަލީ އާދަމް ނިންމެވި އެވެ. އެ ފުރުސަތު މި މަރުހަލާގައި ދީފި ނަމަ އަޑުއެހުންތައް ދިގުލައިގެންދާނެ ކަމަށް އަލީ އާދަމް ވިދާޅުވި އެވެ.

އެނގުން މުހިންމު - ނިހާންގެ ފަރާތުން އެދުނީ:

ދެން އޮންނަ އަޑުއެހުމެއްގައި އޮންނާނީ މައްސަލައިގެ ޝަރީއަތް ފެށުމަށް އިފްތިތާހީ ބަޔާން ހުށަހެޅުމެވެ. މި އަޑުއެހުން ބާއްވާނެ ތާރީހެއް މިއަދު އިއުލާނެއް ނުކުރެ އެވެ.