ނަޝީދުގެ އިތުބާރު ނެތް ކަމުގެ މައްސަލަ 54 ސޮޔާ އެކު މަޖިލީހަށް ހުށަހަޅައިފި

ރައްޔިތުން މަޖިލީހުގެ ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލަ އެމްޑީޕީގެ ޕާލިމެންޓްރީ ގްރޫޕުން މިއަދު ރައްޔިތުންގެ މަޖިލީހަށް ހުށަހަޅައިފި އެވެ.

ވީ ކިހިނެއް؟ - އެމްޑީޕީގެ ޕީޖީ ގްރޫޕްގެ ލީޑަރު، ހިތަދޫ އުތުރު ދާއިރާގެ މެންބަރު މުހައްމަދު އަސްލަމް މިއަދު 'ދައުރު'އަށް ވިދާޅުވީ ނަޝީދުގެ އިތުބާރު ނެތް ކަމުގެ މައްސަލަ މަޖިލީހުގެ އިދާރާއަށް ހުށަހެޅީ 54 މެންބަރުންގެ ސޮޔާ އެކު ކަމަށެވެ.

ތަފްސީލް - އެމްޑީޕީގެ ރައީސްކަން ވެސް ކުރައްވާ ނަޝީދު މަގާމުން ވަކިކުރުމަށް އެމްޑީޕީގެ ޕީޖީން އިއްޔެ ނިންމީ 36 މެމްބަރުންގެ ތާއީދާ އެކު އެވެ. އެ މައްސަލައިގެ ގަރާރުގައި ސޮއިކުރަން ފެށިތާ ގަޑިއިރެއް ހާއިރު ތެރޭ އެ މަނިކުފާނު މަގާމުން ވަކިކުރަން މައްސަލަ ހުށަހެޅުމަށް ބޭނުންވާ އަދަދަށް އެމްޑީޕީން ވަނީ ސޮއި ހަމަކޮށްފަ އެވެ.

އެ މައްސަލައިގައި އެމްޑީޕީގެ މެމްބަރުންގެ އިތުރުން، މަޖިލީހުގައި އެހެން ޕާޓީތައް ތަމްސީލުކުރައްވާ ބައެއް މެމްބަރުންނާއި އަމިއްލަ މެމްބަރުން ވެސް ސޮއިކުރެއްވި އެވެ. އޭގެ ތެރޭގައި:

އެ ގަރާރުގައި ސޮއިނުކުރައްވާ އެމްޑީޕީގެ މެމްބަރުންގެ ތަފްސީލެއް އަދި ނުލިބެ އެވެ. ނަމަވެސް، އެނގިފައިވާ ގޮތުގައި، ނަޝީދުއާ ނުލައި އެ ޕާޓީ ތަމްސީލުކުރައްވާ މަޖިލީހުގެ 55 މެމްބަރުންގެ ތެރެއިން ގާތްގަނޑަކަށް ހަތަރު ބޭފުޅަކު އެ މައްސަލައިގައި ސޮއެއް ނުކުރައްވަ އެވެ.

އެނގުން މުހިންމު - މަޖިލީހުގެ ގަވައިދުގެ 205 ވަނަ މައްދާގައި، މަޖިލީހުގެ ރައީސާއި ނައިބު ރައީސް މަގާމުން ވަކިކުރެވޭނެ އިޖުރާތްތައް ބަޔާންކޮށްފައިވެ އެވެ. އެގޮތުން: