ނައީމާގެ މަރުގެ ތުހުމަތުގައި މާލެއިން ހައްޔަރުކުރި މީހާ މަނަދުއަށް ގެންގޮސްފި

ނ. މަނަދޫ ގެއެއްގެ ތެރޭގައި އަނިޔާވެރިކޮށް މަރާލާފައި އޮއްވާ މިިދިޔަ މަހުގެ ކުރީކޮޅު ފެނުނު ނައީމާ މޫސާގެ މަރުގެ މައްސަލައިގައި މާލެއިން ހައްޔަރުކުރި މީހާ އެރަށަށް މިއަދު ގެންގޮސްފި އެވެ.

ވީ ކިހިނެއް؟ ނައީމާގެ މަރާލުމުގައި ބައިވެރިވި ކަމަށް ތުހުމަތުކޮށް މިދިޔަ ހޯމަ ދުވަހު މާލެއިން ހައްޔަރުކުރީ ހަސަން ފަވާޒް، 21، އެވެ. ކޯޓު އަމުރެއްގެ ދަށުން ފަވާޒް ހައްޔަރުކޮށް ބަންދަށް 1 މަސް ދުވަސް ޖަހާފައި ވެ އެވެ.

ތަފްސީލް - އިތުބާރު ހުރި މަސްދަރަކުން "ދައުރު" އަށް ކަށަވަރުކޮށްދީފައިވާ ގޮތުގައި އޭނާ އެރަށަށް ގެންދިޔައީ މިއަދުގެ ވަގުތެއްގަ އެވެ. އޭނާ އެރަށަށް ގެންދިޔައީ މިވަގުތު ފުލުހުން އެރަށުގައި ހިންގަމުން އަންނަ ތަހުގީގަށް ކަމަށް ވެ އެވެ. 

އެނގިފައިވާ ގޮތުގައި:

އެނގުން މުހިންމު - ނައީމާގެ މަރާ ގުޅިގެން ފުލުހުން ކުރާ ތަހުގީގަށް ކުރިއެރުންތަކެއް ލިބި އަދި ތުހުމަތުވާ ތިން މީހަކު ހައްޔަރުކުރީ މަސްތުވާތަކެތީގެ މައްސަލާގައި ފުލުހުންގެ ބެލުމުގެ ދަށަށް ގެންދިޔަ އަހްޒަމް އަބްދުއްޝަކޫރު، 23,ގެ ކިބައިން ލިބުނު މައުލޫމާތުންނެވެ.

އެ މައްސަލާގައި ދެވަނަ އަށް ހައްޔަރުކުރީ  އަހްޒަމްއާ އެކު މަސްތުވާތަކެތި ބޭނުންކުރުމުގައި އުޅޭ އޭނާގެ އެކުވެރިޔާ އަބްދުލްވާހިދު ރިފާސް އެވެ.

އެއަށް ފަހު ނައީމާ މަރާލުމަށް ބޭނުންކުރި ކަމަށް ބެލެވޭ ދެ ވަޅި އާއި އެ ދެ މީހުން އެރޭ ލައިގެން އުޅުނު ކަމަށް ބުނާ އަންނައުނު ވެސް ފުލުހުން ވަނީ ހޯދާފަ އެވެ. ފުލުހުން ބުނެފައިވާ ގޮތުގައި، އެ އަންނައުނުތައް ހޯދީ، ވަޅުގަނޑެއްގެ ތެރޭގައި އަންދާލުމަށް ފަހު ފަސް އަޅައި ފޮރުވާފައި ހުއްޓަ އެވެ.

އެނގިފައިވާ ގޮތުން: