ހައިވޭގައި މިދިޔަ މާޗު މަހު ކާރަކާއި ސައިކަލެއް ޖެހި ހިނގި އެކްސިޑެންޓުގައި ސައިކަލަށް ގެއްލުން ލިބިފައި: ރޭ ހިނގި އެކްސިޑެންޓެއްގައި ވަނީ މީހަކު މަރުވެފައި. (ދައުރު ފައިލް ފޮޓޯ/އަބްދުﷲ އިޔާން)
ހައިވޭގައި ސައިކަލަކާއި ޕިކަޕެއް ޖެހި ހިނގި އެކްސިޑެންޓެއްގައި މީހަކު މަރުވެއްޖެ
މާލެ އާއި ހުޅުމާލެ ގުޅުވައިދޭ ހައިވޭގައި ދުއްވާފައި ދިޔަ ސައިކަލަކާއި ޕިކަޕެއް ޖެހި ރޭ ހިނގި އެކްސިޑެންޓެއްގައި މީހަކު މަރުވެއްޖެ އެވެ.
ވީ ކިހިނެއް؟ - ފުލުހުން ރޭ ދަންވަރު މީޑިއާތަކަށް ފޮނުވި މެެސެޖެއްގައި ބުނި ގޮތުގައި، އެ އެކްސިޑެންޓުގެ ރިޕޯޓް އެ ތަނަށް ލިބުނީ ރޭ ދަންވަރު 12:04 ހާއިރެވެ.
ތަފްސީލް - ފުލުހުން ބުނި ގޮތުގައި:
-
އެކްސިޑެންޓް ހިނގީ މާލޭން ހުޅުމާލެއަށް ދުއްވާފައި ދިޔަ ސައިކަލެއް ޕިކަޕެއްގައި ޖެހިގެން
-
ސައިކަލު ދުއްވަން އިން މީހާ ޓްރީ ޓޮޕް ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް އެ ހޮސްޕިޓަލުން ބުނެފައިވޭ
-
މަރުވެފައި ވަނީ 43 އަހަރުގެ ދިވެހި ފިރިހެނެއް
"މި މައްސަލަ ފުލުހުން ދަނީ ތަހުގީގުކުރަމުން،" ފުލުހުންގެ މެސެޖުގައިވެ އެވެ.
އެނގުން މުހިންމު - މި ފަހުން މަގުމަތީގެ ނުރައްކާތެރި ގިނަ އެކްސިޑެންޓުތަކެއް ވަނީ ހިނގާފަ އެވެ. އޭގެ ތެރެއިން ގިނަ ހދިސާތައް ހުޅުމާލޭ ދެވަނަ ފިޔަވަހީގައި ހިނގާފައި ވާއިރު، ބައެއް އެކްސިޑެންޓުތަކުގައި މީހުން މަރުވެފައި ވެސް ވެ އެވެ.