ބޮން ގޮވުމާއި ހޮސްޕިޓަލަށް ގެންދިއުމާ ހަމަޔަށް ކަން ހިނގި ގޮތް ނަޝީދުގެ ހަށިފާރަވެރިންގެ ދުލުން

ކުރީގެ ރައީސް މުހައްމަދު ނަޝީދަށް އަމާޒުކޮށްދިން ބޮމުގެ ހަމަލާއާ ގުޅިގެން، ހާދިސާ ހިނގި ވަގުތާއި، ނަޝީދު ހޮސްޕިޓަލަށް ގެންދިއުމާ ހަމަޔަށް ކަން ހިނގި ގޮތް ބަޔާންކޮށް ނަޝީދުގެ ދެ ހަށިފާރަވެރިއަކު މިއަދު ކްރިމިނަލް ކޯޓުގައި ހެކިބަސް ދީފި އެވެ.

ވީ ކިހިނެެއް؟ 6 މެއި 2021 ވަނަ ދުވަހުގެ ރޭ ސީދާ ނަޝީދު އަވަހާރާކޮށްލަން ދިން މި ހަމަލާގެ ތުހުމަތުގައި ހައްޔަރުކޮށް ދައުވާކުުރި މީހުންގެ ތެރެއިން ހަމަލާ ދިނުމުގައި އަމަލީ ގޮތުން ބައިވެރިވި، އަދުހަމް އަހުމަދު ރަޝީދު ކުށަށް އިއުތިރާފްވެ، ދައުލަތާ އެކު އެއްބަސްވުމެއް ހެދުމުން ލުއި އަދަބެއް ދީ އޭނާ ވަނީ 23 އަހަރަށް ޖަލަށް ލައިފަ އެވެ. އެ މައްސަލާގައި ދެން ހިމެނޭ އެހެން މީހުންގެ މައްސަލަތައް ކޯޓުގައި އަންނަނީ ހިނގަމުންނެވެ.

ކޯޓުގައި މިވަގުތު ޝަރީއަތް ކުރިއަށް ދަނީ:

ތަފްސީލް - މި މައްސަލައިގައި މިއަދު އޮތީ ދައުވާ ސާބިތުކުރަން ދައުލަތުން ހުށަހަޅާފައިވާ ހަތަރު ހެކިވެރިއެއްގެ ހެކިބަސް ނެގުމެވެ. އޭގެ ތެރެއިން ހުޅުވާލައިގެން ހެކިބަސް ނެގީ ދެ ހެކިވެރިއެއްގެ އެވެ. އެއީ ހަމަލާދިން ވަގުތު އެތަނުގައި ނަޝީދަށް ސެކިއުރިޓީ ދޭން ތިިބި ދެ އޮފިސަރެއްގެ ހެކިބަހެވެ.

ދެން ތިބި ހެކިވެރިންނަކީ ހެކި ރައްކާތެރިކުރަން ކޮންމެވެސް މިންވަރަކަށް ޝަރީއަތުން މީގެ ކުރިން ނިންމާފައިވާ ހެކިވެރިން ކަމަށް ވުމުން އެމީހުންގެ ހެކިބަސް ނެގުން މިވަގުތު ކުރިއަށް ދަނީ ސިއްރުކޮށްގެންނެވެ.

މިއަދުގެ އަޑުއެހުމުގައި ހެކިބަސް ދިން ފުރަތަމަ ދެ ހެކިވެރިން ހާޒިރުކުރީ ފަސް ކަމެއް ސާބިތުކޮށްދިނުމަށެވެ. އެއީ:

ކޯޓުގައި ހެކިބަސް ދެމުން މިއަދު ފުރަަތަމަ ހެކިވެރިޔާ ބުނީ އެ ހާދިސާ ހިނގި ވަގުތު އޭނާ ހުރީ ނީލޯފަރު ހިނގުމާއި މަޖީދީމަގު ކަންމަތީގައި އޮތް، ވީއައިޕީ ވެހިކަލް ކައިރީގައި ކަމަށެވެ. މައްސަލައަށް ގިނަ ދުވަސްތަކެއް ވެފައި ވާތީ ހާދިސާ ހިނގި ވަގުތު ސީދާ ބުނެދޭން ނޭނގޭކަން ފާހަގަކުރަމުން ހެކިވެރިޔާ ބުނީ ކުއްލިއަކަށް ވަރަށް ބާރު އަޑުފަށްގަނޑަކާ އެކު އެއްޗެއް ގޮވިކަން އެނގޭ ކަމަށެވެ.

އޭނާ ބުނީ:

ދެވަނައަށް ހެކިބަސް ދިނީ ހަމަލާ އަމާޒުވި ވަގުތު އަނިޔާތަކާ އެކު ނަޝީދު އަތްދަނޑިމައްޗަށް ލައިގެން ވީއައިޕީ ކާރަށް އެރުވުމަށް ދުވެފައި ދިޔަ ނަޝީދުގެ ހަށިފާރަވެރިޔާ އެވެ. 

އޭނާ ކިޔައިދިން ގޮތުން:

މި ދެ ހެކިވެރިންނާ ދައުވާ ލިބޭ ދެ ހެކިވެރިއެއްގެ ވަކީލުންގެ ފަރާތުން ވެސް ސުވާލުތައް ކުރެއްވި އެވެ. އެކަމަކު ދިފާއީ ވަކީލުންގެ ސުވާލުތައް ބޮޑަށް އަމާޒުކުރީ ހަމަލާ ދިނުމަށް މެދުވެރިވި 'ސެކިއުރިޓީ ބްރީީޗާ'އާ ބެހޭ ގޮތުން ކަމަށް ވުމުން އެ ސުވާލުތައް ކުރުމަށް ޝަރީއަތުން ފުރުސަތެއް ނުދެ އެވެ. ބައެއް ސުވާލުތަކަކީ ސެކިއުރިޓީއާ ގުޅުން ހުރި ސުވާލުތަކަށް ވުމާއި ހެކިވެރިޔާ ކޯޓަށް ހާޒިރުކުރެވިފައިވާ ދާއިރާގެ ބޭރުން އަމާޒުކުރި ސުވާލުތައް ކަމަށް ވުމުން ޝަރީއަތާއި، ދިފާއީ ވަކީލުންނާ ދެމެދު ގިނަ ވަގުތުތަކެއް ވަންދެން އެކަމުގެ ބަހުސް ހިނގި އެވެ.

އެނގުން މުހިންމު - މި މައްސަލަ ފަށައިގެން ކްރިމިނަލް ކޯޓުން ބަލަމުން އައީ ތިން ގާޒީން ހިމެނޭ ބެންޗަކުންނެވެ. ނަމަވެސް މައްސަލަަ ބައްލަވާ އިސް ގާޒީ އާދަމް މުހައްމަދަށް އިންޒާރުދީ ބިރުދެއްކުމުގެ އަމަލެއް ހިންގާފައި ވާތީ ގާޒީ އާދަމް ވަނީ އެ މައްސަލައިން ތަނާޒުލް ވެފަ އެވެ. އެ ބެންޗަށް އޭގެ ފަހުން އައްޔަންކުރީ ގާޒީ ހަސަން ސައީދު ވެސް މައްސަލައިން ތަނާޒުލްވި އެވެ.

މިހާރު ވަނީ އެ މައްސަލަ ބައްލަވާ ތިން ފަނޑިޔާރުންގެ ބެންޗު އުވާލައި އެންމެ ފަނޑިޔާރަކާ މައްސަލަ ހަވާލުކޮށްފަ އެވެ. އެގޮތުން އެ މައްސަލަ މިހާރު ބައްލަވަމުން ގެންދަވަނީ ގާޒީ ސޮފްއަތު ހަބީބް އެވެ.