ފުލުހުންގެ ބަންދުގައި ހުއްޓާ ފިލި މީހާ ހޯދައިފި

ފުލުހުންގެ ބަންދުގައި ހުއްޓާ ރޭ ދަންވަރު ގއ. ދާންދޫ އިން ފިލި މީހާ ހޯދައިފި އެވެ.

ތަފްސީލް - ފުލުހުން ބުނީ ދާންދޫ ޕޮލިސް ސްޓޭޝަންގައި ހުރި އެ މީހާ ފިލި ކަމުގެ މައުލޫމާތު ފުލުހުންނަށް ލިބުނީ، ރޭ ދަންވަރު 12:57ގައި ކަމަށެވެ.

ފިިލާފައި ވަނީ މަސްތުވާތަކެތީގެ މައްސަލައެއްގައި ހައްޔަރުކޮށްފައި ހުރި 49 އަހަރުގެ ދިވެހި ފިރިހެނެކެވެ.

އެމީހާ ހޯދާ ފުލުހުންގެ ބެލުމުގެ ދަށަށް މިހާރު ގެންގޮސްފައިވާ ކަމަށް މިއަދު މެންދުރު ފުލުހުން މިޑިއާ ތަކަށް ފޮނުވި މެސެޖެއްގައި ބުންޏެވެ.

ގުޅުން ހުރި - ފުލުހުންގެ ބެލުމުގެ ދަށުގައި ހުރި މީހަކު މި މަހު 2 ވަނަ ދުވަހު ވެސް ވަނީ ފިލައިފަ އެވެ. އއ. ރަސްދޫ ޕޮލިސް ސްޓޭޝަންގައި ހުއްޓާ ފިލި އެ މީހާ ހޯދާފައިވަނީ، ޖެހިގެން އައި ދުވަހު ކުރަމަތި ރިސޯޓު ކައިރިން ފަތާފައި ދަނިކޮށެވެ.