އޯޓިޒަމް ޖަމިއްޔާގެ ކުދިންނަށް އެއާޕޯޓުގެ މަސައްކަތްތައް ދައްކާލައިފި

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް)ގެ އިޖުތިމާއީ ޒިންމާގެ ދަށުން، މޯލްޑިވްސް އޯޓިޒަމް އެސޯސިއޭޝަންއާ ގުޅިގެން ހާއްސަ ހަރަކާތެއް ކުރިއަށް ގެންގޮސްފި އެވެ.

ވީ ކިހިނެއް؟ - އޯޓިޒަމްއާ މެދު ހޭލުންތެރިކަން އިތުރުކުރުމުގެ މަހުގެ ގޮތުގައި އޭޕްރީލް ފާހަގަކުރަމުން އަންނައިރު، ފައިސާ ހޯދުމުގެ ހަރަކާތެއްގެ އިތުރުން، އޯޓިޒަމް އެސޯސިއޭޝަންގެ ދަރިވަރުންނަށް އެއާޕޯޓުގެ މަސައްކަތްތައް ދައްކާލުމަށް ޓުއާއެއް ކުރިއަށް ގެންގޮސްފައިވެ އެވެ.

ތަފްސީލް - އެމްއޭސީއެލް އިން ބުނީ ވެލާނާ އިންޓަނޭޝަނަލް އެއާޕޯޓު (ވީއައިއޭ)ގެ މަސައްކަތްތައް ދައްކާލުމަށް ބޭއްވި ހަރަކާތުގައި އޯޓިޒަމް އެސޯސިއޭޝަންގެ 14 ދަރިވަރުން، ތިން ޓީޗަރުންނާ އެކު ބައިވެރިވި ކަމަށެވެ. 

އެ ހަރަކާތުގެ ތެރެއިން:

ގުޅުން ހުރި ކަމެއް - އެމްއޭސީއެލް އިން ވަނީ، އޯޓިޒަމް އެސޯސިއޭޝަނުން ތައްޔާރުކުރާ އެކި އެއްޗެހި އެއާޕޯޓުގެ އެކި ސަރަހައްދުތަކުގައި ވިއްކުމުގެ ފުރުސަތު މި މަހުގެ ކުރީކޮޅު ދީފަ އެވެ. އެ ޖަމިއްޔާގެ ހަރަކާތްތަކަށް ފައިސާ ހޯދުމަށް ހިންގި މި ހަރަކާތް ވެސް ކާމިޔާބު ކަމަށް އެމްއޭސީއެލް އިން ބުންޏެވެ.