އުމުރުން 11 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކުރި މީހުންގެ ތެރޭގައި އުމުރުން ދުވަސްވީ މީހަކު ހިމެނޭ. (ދައުރު ފޮޓޯ/ މުޒައްޔިން ނާޒިމް)
11 އަހަރުގެ އަންހެން ކުއްޖަކާ ބެހުނު ކަމަށް ބުނާ 2 މީހަކު ހައްޔަރުކޮށްފި
ދެކުނުގެ އަތޮޅެއްގެ ރަށެއްގައި އުމުރުން 11 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައަކާ ގުޅިގެން ދެ މީހަކު ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިރޭ މީޑިއާތަކަށް ފޮނުވި މެސެޖެއްގައި ބުނީ، ދެކުނުގެ އަތޮޅެއްގައި އުމުރުން 11 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް އެ އިދާރާއަށް ހުށަހެޅީ މިރޭ 11:02 ހާއިރު ކަމަށެވެ.
ތަފްސީލު - އެ ކުއްޖާއަށް ޖިންސީ ގޯނާކުރި ކަމުގެ ތުހުމަތުގައި ހައްުޔަރުކޮށްފައި ވަނީ:
-
އުމުރުން 63 އަހަރުގެ ފިރިހެނެއް
-
އުމުރުން 25 އަހަރުގެ ފިރިހެނެއް
-
އެއީ ދެ ދިވެހިން
މިކަމާ ގުޅޭ ގޮތުން އިތުރު ތަފްސީލެއް ފުލުހުން އަދި ނުދެ އެވެ.