މާރާމާރީ އާ ގުޅިގެން ހޯދަމުންދާ އިބްރާހިމް ފައިހް ނިޒާމް
ފިލައިގެން އުޅެނިކޮށް ހައްޔަރުކުރި ފައިހަށް ދައުވާ ކޮށްފި
މި ފަހުން މާލޭގައި ހިންގި ގުރޫޕު މާރާމާރީތަކާ ގުޅިގެން ފުލުހުން ހޯދަމުން ދާތާ މަހެއް ފަހުން އަމިއްލައަށް ފުލުހުންނާ ހަވާލުވި އިބްރާހީމް ފައިހް ނިޒާމުގެ މައްޗަށް ދައުވާ ކޮށްފި އެވެ.
ވީ ކިހިނެއް؟ މާލޭގައި ސިލްސިލާކޮށް މާރާމާރީތަކެއް ހިންގަމުން ދަނިކޮށް، އެ ކަމުގެ ތުހުމަތުގައި އިބްރާހީމް ފައިހް ނިޒާމު، ސ. މަރަދޫފޭދޫ/ރަށްދެބައިގެ ހޯދަން އެންމެ ފުރަތަމަ އިއުލާންކުރީ 15 ފެބްރުއަރީގަ އެވެ.
އޭގެ ފަހުން މަހެއް ވީ އިރު ވެސް އޭނާ ނުފެނުނީ ހައްޔަރުކުރިޔަ ނުދޭން ބަޔަކު މީހުން އޭނާ ފޮރުވައިގެން ގެންގުޅެގެންނެވެ. އެ މައްސަލާގައި ފަސް މީހަކު ހައްޔަރުކުރި އެވެ. ނަމަވެސް އޭގެ ތެރެއިން ދެ މީހަކު މިހާރު ވަނީ ދޫކޮށްލައިފަ އެވެ.
ފައިހް އަމިއްލައަށް ފުލުހުންނާ ހަވާލުވީ ފަސް މީހުން ހައްޔަރުކުރި ފަހުންނެވެ.
ތަފްސީލް - ޕްރޮސިކިއުޓަ ޖެނަރަލް (ޕީޖީ) އޮފީހުގެ އޮފިޝަލަކު މިއަދު 'ދައުރު' އަށް ވިދާޅުވީ ފައިހްގެ މައްޗަށް ދައުވާ އުފުލީ މިދިޔަ ބުދަދުވަހު ކަމަށެވެ.
ފައިހްގެ މައްޗަށް ދައުވާކުރީ:
-
ނުރައްކާތެރި ހަތިޔާރެއް ބޭނުންކޮށްގެން މާރާމާރީ ހިންގުމުގެ ކުށުގެ ދައުވާ
އެނގުން މުހިންމު - ފައިހް މިވަގުތު ހުރީ ޝަރީއަތް ނިމެންދެން ބަންދުކޮށްފަ އެވެ. އޭނާގެ މައްޗަށް ދައުވާކުރަނީ ކޮން މައްސަލައެއްގައި ކަމެއް ކަމާ ގުޅޭ އެއްވެސް އިދާރާއަކުން މިހާތަނަށް ހާމަކޮށްފައެއް ނުވެ އެވެ.
އެ ސިލްސިލާ މާރާމާރީތަކުގައި އެކަކު ވަނީ މަރުވެފަ އެވެ.
ކޮމެންޓް (1)
ޚަދީޖާ