ރާއްޖެއިން މިއަހަރު ރުބެއްލާ ނައްތާލުމަށް އަމާޒުހިފައިފި

ރާއްޖެއިން މިއަހަރު ރުބެއްލާ ނައްތާލުމަށް އަމާޒު ހިފާފައިވާ ކަމަށް ހެލްތު މިނިސްޓަރު އަހުމަދު ނަސީމް މިއަދު ވިދާޅުވެއްޖެ އެވެ.

ވީ ކިހިނެއް؟ - ރާއްޖެއިން ސިއްހީ ދާއިރާއިން ހާސިލުކުރަން ބޭނުންވާ އަމާޒުތަކާއި ލަނޑުދަނޑިތަކާ ގުޅޭގޮތުން މިނިސްޓަރު ވާހަކަދެއްކެވީ، މިއަދު ފާހަގަކުރާ ދުނިޔޭގެ ސިއްހަތު ދުވަހާ ގުޅުވައިގެން ދެއްވި ހިތާބުގަ އެވެ.

ބުނީ ކީކޭ؟ - މިއަހަރުގެ ދުނިޔޭގެ ސިއްހަތު ދުވަހަށް ކަނޑައަޅާފައިވާ "ހެލްތް ފޯ އޯލް" ނުވަތަ "އެންމެންނަށް  ސިއްހަތު"  ޝިއާރާ ގުޅޭ ސިޔާސަތުތައް މިވަގުތު  އެންމެ ބާރަށް  ތަންފީޒު  ކުރާ އެއް  ގައުމަކީ  ރާއްޖެކަން ފާހަގަކުރައްވަމުން ނަސީމް ވިދާޅުވީ ރާއްޖެ ކުރިއަށްދަނީ، ސަރަހައްދު  ތަކަށް މުޅި ގައުމު ބަހާލެވިގެން،  ޓާޝަރީ  އަމާޒުގައި ކަމަށެވެ. ނަސީމް ވިދާޅުވީ ދުނިޔެ  ހޯދި  ކޮންމެ  ކާމިޔާބީއެއް  އޭގެ  އެންމެ  ފުރިހަމަ  ގޮތުގައި  ރާއްޖެއިން  ވެސް ހޯދި ކަމަށެވެ. އެކަމަށް ބާރުދެއްވުމުގެ ގޮތުން އޭނާ ފާހަގަކުރެއްވީ:

ނުރައްކާތެރި ބަލިތައް ރާއްޖޭގައި ފެތުރުން ނިމުމަކަށް ގެނެވުނަސް، ނަސީމް ވިދާޅުވާ ގޮތުގައި އަދިވެސް ހައްލު ހޯދަން ޖެހޭ ކަންކަން އެބަހުރި ކަމަށެވެ. އެހެންވެ ސަރުކާރުން އަމާޒުހިފާފައިވަނީ:

ނަސީމް ވިދާޅުވީ، ފާއިތުވީ ވިއްސަކަށް އަހަރު ދުވަހުގެ ތެރޭގައި ކުރިން ތަސައްވަރު ކުރި ހަރުދަނާ ޕްރައިމަރީ ހެލްތު ކެއާގެ ނިޒާމް ބަލިކަށިވެފައިވާ ކަމަށެވެ.

"ފާރަވެރިކަމާއެކު ތިމާގެ ސިއްހަތު ވިލަރެސް ކުރުމުގެ ބަދަލުގައި، ކޮންމެ ފަރުދަކަށްމެ މިހާރު އިސްކަންދެވެނީ، ފެންނަން ހުރި ކްލިނިކުން، ނުވަތަ ހެލްތް ސެންޓަރުން ނުވަތަ ހޮސްޕިޓަލަކުން ދެވެނީ ކޮންކަހަލަ ހިދުމަތެއްތޯ ބެލުމަށް. ނަމަވެސް ހަމައެކަނި މިކަމަކުން ސިއްހީ ދުޅަހެޔޮކަމެއް މުޅިން ކަށަވަރެއް ނުކޮށްދެވޭ" ނަސީމް ވިދާޅުވިއެވެ.

އޭނާ ވިދާޅުވީ ދިގު މުއްދަތުގެ ގައިން ގަޔަށް ނާރާ ބަލިތަކުން ރައްކާތެރިވުމަށްޓަކާ އާދަތައް ބަހައްޓަންވާ ގޮތާމެދު ސަމާލުވާން ޖެހޭ ކަމަށާއި، ރައްޔިތުން ބަރޯސާވާންވީ "ކިޔުރޭޓިވްކެއާ" އަށްވުރެ ޕްރެވެންޓިވް ކެއާ ހޯދުމަށް ކަމަށެވެ. އޭނާ ގަބޫލުކުރައްވާ ގޮތުގައި އެއީ މި ސަރުކާރުގެ "ދުޅަހެޔޮ ހަށިހެޔޮ" މުޖްތަމައަށް ވާސިލުވުމަށް އެޅޭނެ އެންމެ މުހިންމު އެއް ފިޔަވަޅެވެ.

"އަޅުގަޑުގެ އުއްމީދަކީ، ކައިރި މުސްތަގްބަލެއްގައި ޕްރިމަރީ ހެލްތް ކެއާ އަށާއި އާއި ޕަބްލިކް ހެލްތަށް އިސްކަން ދެވޭ ފުރިހަމަ ނިޒާމެއް ގާއިމުކުރުން. މި އަމާޒަށް ވާސިލު ވުމަށް ސިއްހީ ދާއިރާ އިން ކުރަން ޖެހޭ ކަންކަން މިހާރު މިގެން ދަނީ ތައާރަފު ކޮށް ނިޒާމީ ކުރަމުން. " ނަސީމް ވިދާޅުވިއެވެ.