އަޅާނުލައިގެން ދައުލަތަށް ނެގި ކުއްޖެއްގެ ހަރަދު ދޭން ބައްޕައަށް އަމުރުކޮށްފި

ރައްކާތެރިކުރުމުގެ އަމުރެއް ނެރެ، ދައުލަތުގެ ބެލުމުގެ ދަށުގައި ބެހެއްޓުމަށް ނިންމި ކުއްޖެއްގެ ހުރިހާ ހަރަދެއް އެ ކުއްޖާ ދައުލަތުގެ ބެލުމުގެ ދަށުގައި ހުންނަ މުއްދަތުގައި ދައުލަތަށް ދެއްކުމަށް އެ ކުއްޖާގެ ބައްޕަގެ މައްޗަށް ފެމިލީ ކޯޓުން މިއަދު އަމުރުކޮށްފި އެވެ. މިއީ މިފަދަ އަމުރެއް ރާއްޖޭގައި ކުރި ފުރަތަމަ ފަހަރެވެ.

ވީ ކިހިނެއް؟ - މި ގޮތަށް ކޯޓުން ނިންމާފައިވަނީ، މައިންބަފައިންގެ ފަރާތުން ރައްކާތެރިކަން ފޯރުކޮށްދީފައި ނުވާތީ އާއި އާއިލާގެ ތެރޭގައި ހަވާލުވާނެ ފަރާތެއް ނެތުމުން، ދައުލަތުގެ ބެލުމުގެ ދަށަށް ގެންދިޔަ ނުކުޅެދުންތެރިކަން ހުންނަ ކުއްޖެއްގެ މައްސަލައިގަ އެވެ. މި މައްސަލަ ފެމިލީ ކޯޓަށް ދައުލަތުން ހުށަހެޅީ 'ކުޑަކުދިންގެ ހައްގުތައް ރައްކާތެރިކުރުމުގެ ގާނޫނު'ގެ ދަށުންނެވެ.

ދައުލަތުން ފެމިލީ ކޯޓުގައި އެދުނީ:

ތަފްސީލް - މި މައްސަލާގައި މިއަދު ފެމިލީ ކޯޓުން ކުރި ހުކުމުގައި ކުއްޖާގެ ބައްޕަގެ މައްޗަށް އަމުރުކޮށްފައިވަނީ، ކުއްޖާގެ ހަރަދަށް، ކޮންމެ މަހަކު 16،219ރ. ދެއްކުމަށެވެ. މި އަދަދު ދެއްކުމަށް ހުކުމްކޮށްފައިވަނީ ކުއްޖާގެ ބައްޕަގެ ވެސް ރުހުމާ އެކު އެވެ.

ކުއްޖާ ބެލެހެއްޓުމަށް ހިނގާނެ ހަރަދު ކަނޑައެޅުމުގައި ކޯޓުން ބަލާފައިވަނީ:

އެނގުން މުހިންމު - ކުޑަކުދިންގެ ހަރަދުތައް ބެލެހެއްޓުމީ މައިންބަފައިންގެ އަސާސީ ޒިންމާއެއް ކަމަށް ވުމުން، މައިންބަފައިން ދުނިޔޭގައި ތިބެ، ކުއްޖާ ބަލަހައްޓަމުން ގެންދަނީ ދައުލަތުން ނުވަތަ ގާނޫނުގެ ދަށުން ކަނޑައެޅޭ އެހެން ފަރާތަކުން ނަމަ، ކުއްޖާގެ ހަރަދު، މައިންބަފައިން ކުއްޖާ ބަލަހައްޓަމުން ގެންދާ ފަރާތަކާ ހަވާލުކުރުން، ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ 43 ވަނަ މާއްދާއިން ލާޒިމް ކުރެ އެވެ.

މައިންބަފައިން އެ މީހުންގެ ދަރިންނަށް ދޭން ޖެހޭ ހަރަދު ދިނުމުގައި އިހުމާލު ވެއްޖެ ނަމަ، މައިންބަފައިން ޒިންމާދާރު ކުރުވުމަކީ ދައުލަތުގެ ވާޖިބެއް ކަމަށް ވެސް އެ ގާނޫނުގައި ބަޔާންކޮށްފައިވެ އެވެ.