މާރާމާރީއާ ގުޅިގެން ހޯދަމުންދާ އިބްރާހިމް ފައިހް ނިޒާމް.
ގުރޫޕު މާރާމާރީއަކާ ގުޅިގެން މީހަކު ހޯދާތާ މަހެއް؛ އަނެއްކާވެސް އާންމުންގެ އެހީއަށް އެދިއްޖެ
މިފަހުން މާލޭގައި ހިންގި ގުރޫޕު މާރާމާރީތަކާ ގުޅިގެން ހޯދަން އިއުލާންކޮށްފައިވާ މީހަކު މަހެއް ވީއިރު ވެސް ފިލައިގެން އުޅޭތީ، އޭނާ ހޯދަން އާންމުންގެ އެހީތެރިކަމަށް އަނެއްކާވެސް ފުލުހުން މިއަދު އެދިއްޖެ އެވެ.
ވީ ކިހިނެއް؟ - މިފަހުން މާލޭގައި ސިލްސިލާކޮށް މާރާމާރީތަކެއް ހިންގަމުންދަނިކޮށް، އެކަމުގެ ތުހުމަތުގައި ހޯދަން އިއުލާން ކުރީ، އިބްރާހީމް ފައިހް ނިޒާމު، ސ. މަރަދޫފޭދޫ/ރަށްދެބައިގެ އެވެ. މިދިޔަ މަހުގެ 15 ވަނަ ދުވަހު އޭނާގެ ފޮޓޯއާ އެކު ވަނަވަރު ހާމަކޮށް، ފުލުހުން އާންމުންގެ އެހީތެރިކަމަށް އެދި ބުނެފައިވަނީ:
-
ފައިހް، 25، ހޯދަމުން ދަނީ ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ތަހުގީގުކުރަމުން ގެންދާ، ގުރޫޕް ހަދައިގެން، ތޫނު ހަތިޔާރު ބޭނުންކޮށްގެން މާރާމާރީ ހިންގި މައްސަލައަކާ ގުޅިގެން
ނަމަވެސް، ފުލުހުން މައްސަލައިގެ ތަފްސީލެއް ހާމައެއް ނުކުރެ އެވެ.
ތަފްސީލް - މިއަދު ފުލުހުން ބުނި ގޮތުގައި، އޭނާ ހޯދަމުންދާތާ މަހެއްވީއިރު މިހާތަނަށް އަދި އޭނާ ހޯދިފައެއް ނުވެ އެވެ.
ފައިހްއާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާ ނަމަ، ފުލުހުން އެދިފައި ވަނީ:
-
ފުލުހުންގެ ސީރިއަސް އެންޑް އޯގަނައިޒްޑް ކްރައިމް ޑިޕާޓަމްންޓްގެ ނަންބަރު 9911099އަށް ގުޅަން
-
ފުލުހުންގެ ހޮޓްލައިން ނަންބަރު 3322111އަށް ގުޅައި މައުލޫމާތު ހިއްސާކުރުމަށް
ފާހަގަކޮށްލެވޭ ކަމެއް - ފައިހް ހޯދަން އިއުލާންކުރީ، ގުރޫޕު ހަދައިގެން ގޮސް މިދިޔަ މަހުގެ 14 ވަނަ ދުވަހުގެ ވަގުތެއްގައި ވިލިމާލެ ފެރީ ޓާމިނަލް ތެރޭގައި ތޫނު އެއްޗަކުން މީހަކަށް ހަމަލާދީ ޒަހަމުކޮށްލާފައި ވަނިކޮށެވެ.
ނަމަވެސް، އޭނާ ހޯދަނީ ސީދާ އެ މައްސަލައިގައި ކަމެއް އަދި ޔަގީނެއް ނުވެ އެވެ.
ކޮމެންޓް (1)
ބެކްގްރައުންޑް