އޮމަދޫ ބަނދަރު އަޕްގްރޭޑް ކުރަން އެމްޓީސީސީއާ ހަވާލު ކުރުމުގެ އެއްބަސްވުމުގައި މިއަދު ސޮއިކުރަނީ (ފޮޓޯ/ޕްލޭނިން މިނިސްޓްރީ)
އޮމަދޫ ބަނދަރު ތަރައްގީ ކުރަން އެމްޓީސީސީއާ އެކު ސޮއިކޮށްފި
އދ. އޮމަދޫ ބަނދަރު އަޕްގްރޭޑު ކުރުމުގެ މަސައްކަތް ޕްލޭނިން މިނިސްޓްރީން އެމްޓީސީސީއާ މިއަދު ހަވާލު ކޮށްފި އެވެ.
ވީ ކިހިނެއް؟ - ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައި، އެމްޓީސީސީގެ ސީއީއޯ އާދަމް އާޒިމް އާއި ޕްލޭނިން މިނިސްޓްރީގެ ޑިރެކްޓާ ޖެނެރަލް ފާތިމަތު ޝާނާ ފާރޫގު ވަނީ އެ މަޝްރޫއުގެ އެއްބަސްވުމުގައި ސޮއިކުރައްވައިފަ އެވެ.
ތަފްސީލް - އޮމަދޫ ބަނދަރު އަޕްގްރޭޑު ކުރުމުގެ މަޝްރޫއުގެ އަގަކީ 72.3 މިލިއަން ރުފިޔާ އެވެ. މަޝްރޫއު ހަވާލުކުރީ 630 ދުވަހުގެ ތެރޭ (އެއް އަހަރާއި ނުވަ މަސް) ނިންމާ ގޮތަށެވެ.
އެ މަޝްރޫއުގެ ދަށުން:
-
49،765 ކިއުބިކް މީޓަރު އައު ބަނދަރުން ފުން ކުރާނެ
-
12،105 ކިއުބިކް މީޓަރުގެ ނެރު ފުން ކުރާނެ
-
398 މީޓަރުގެ ބްރޭކްވޯޓާ ޖަހާނެ
-
208 މީޓަރުގެ ރިވެޓްމަންޓް ޖަހާނެ
-
346.10 މީޓަރުގެ އެއްގަމު ތޮށި ޖަހާނެ
-
346.10 މީޓަރުގެ ސްކޯރިން އެޕްރޮން ޖަހާނެ
-
87 މޫރިން ރިންގް ހަރުކުރާނެ
-
11 މޫރިން ބޮއި ހަރުކުރާނެ
-
90 އަކަ މީޓަރު ރޭމްޕެއް ހަދާނެ
-
އެކްސެސް ޕްލެޓްފޯމަކާއި 150×2 ކޮންކްރީޓް ޖެޓީއެއް ހަދާނެ
-
19 މަގުބައްތި ހަރުކޮށް 1،677 އަކަ މީޓަރުގެ ޕޭވްމެންޓު ހަދާނެ