ޓޫރިސްޓު މީހާގެ ގައިމައްޗަށް އެރި ޑިންގީގެ ކައްޕި ގޭބަންދުކޮށްފި

ކ. ތުލުސްދޫގައި ކޯމަހާ އެކު ފޮޓޯ ނެގުމަށް ކަނޑުއޮޅިއަށް ނުކުތް ޓޫރިސްޓެއްގެ ގައިމައްޗަށް ޑިންގީއެއް އަރައި އެ މީހާ މަރުވުމާ ގުޅިގެން، އެ ލޯންޗު ދުއްވަން އިން ކައްޕި، ތަހުގީގު ނިމެންދެން ގޭބަންދުކޮށްފި އެވެ.

ވީ ކިހިނެއް؟ - މިދިޔަ އާދިއްތަ ދުވަހުގެ ހެނދުނު ހިނގި އެ ހާދިސާގައި، ޕޮލެންޑުގެ ޓޫރިސްޓު މީހާ މަރުވީ ބޮޑެތި ޒަހަމްތަކެއް ލިބިގެންނެވެ. އެގޮތުން އޭނާގެ އަތް ބުރިވެ، ބަނޑުން ބައެއް ވެސް ކަފައިގެން ދިޔަ އެވެ.

ތުލުސްދޫ ކައުންސިލާއި އެ ރަށުުން ވާހަކަދެއްކި މީހުން އެއީ ލޯންޗެއް ކަމަށް ކުރިން ބުނެފައި ވިޔަސް، ފުލުސް އޮފީހުން މިއަދު މީޑިއާތަކަށް ފޮނުވި މެސެޖެއްގައި ބުނި ގޮތުގައި، އެއީ ޑިންގީ އެކެވެ. އެގޮތުން، ފުލުހުން ބުނީ:

ތަފްސީލު - ތުލުސްދު އާއި ކުޑަވިލިނގިލި ރިސޯޓާ ދެމެދު އޮންނަ އެ ކަނޑުއޮޅިއަކީ، ކޯމަސް ގިނައިން ދަތުރުކުރާ އެކަމަކު، ދުއްވާއުޅަނދު ފަހަރުގެ ޓްރެފިކް ބޮޑުު ތަނެކެވެ. އެހެންވެ، އެ ސަރަހައްދަށް މޫދަށް ނުކުމެ އުޅުމަކީ މަނާ ކަމެކެވެ.

އުމުރުން 52 އަހަރުގެ ޓޫރިސްޓު މީހާ ހުރި ގެސްޓްހައުސްއިން ވާހަކަ ދެއްކި މީހަކު 'ދައުރު'އަށް މީގެ ކުރިން ކިޔައިދިން ގޮތުގައި، އޭނާ ކަނޑުއޮޅިއަށް ނުކުތީ އެކަން ނުކުރުމަށް ބުނެބުނެ ހުއްޓަ އެވެ. އޭނާ ބުނި ގޮތުގައި:

"އެ ހާދިސާ ހިނގީ އެންމެން މަންޒަރު ބަލަން ތިއްބައި. އޭގެ ތެރޭގައި އޭނާގެ އަނބިމީހާ ވެސް ހިމެނޭ،" ގެސްޓްހައުސް އިން ވާހަކަ ދެއްކި މީހާ ބުނެފައިވެ އެވެ.