ކުޑަހުވަދޫ. (ފޮޓޯ/ކުޑަހުވަދޫ.ކޮމް)
ކުޑަހުވަދޫގައި 50 ހައުސިން ޔުނިޓު އަޅަން ބިޑަށް ލައިފި
ދ. ކުޑަހުވަދޫގައި 50 ހައުސިން ޔުނިޓު އަޅައިދޭނެ ބަޔަކު ހޯދަން އިއުލާނުކޮށްފި އެވެ.
ވީ ކިހިނެއް؟ - ފިނޭންސް މިނިސްޓްރީން އިއްޔެ ކުރި އިއުލާނެއްގައި ބުނީ، ޑިޒައިން އެންޑް ބިލްޑް އުސޫލުން ކުޑަހުވަދޫގައި 50 ހައުސިން ޔުނިޓު އަޅައިދޭނެ ފަރާތެއް ހޯދަން ބޭނުންވާ ކަމަށާއި އެ ކަމަށް ޝަރުތު ހަމަވާ ފަރާތްތަކަށް ބިޑު ހުށަހަޅަން ހުޅުވާލާ ކަމަށެވެ.
-
މި އަހަރަށް ލަފާކޮށް ފާސްކުރި ބަޖެޓުގައި ކުޑަހުވަދޫގައި 50 ހައުސިން ޔުނިޓު އެޅުމަށް 9.2 މިލިއަން ރުފިޔާ ވަނީ ބަޖެޓުކޮށްފައި
ތަފްސީލް - ފިނޭންސް މިނިސްޓްރީން ކުރި އިއުލާނުގައި ބުނީ:
-
ނޮން ރީފަންޑަބަލް ރެޖިސްޓްރޭޝަން ފީއެއްގެ ގޮތުގައި 500ރ. ދައްކަން ޖެހޭނެ
-
ފީ ދެއްކުމުގެ ސުންގަޑި އަކީ އަންނަ މަހުގެ 12؛ ފީ ބަލައިގަންނާނީ ބަނޑޭރި ޕޯޓަލުން
-
މި މަސައްކަތާ ބެހޭ ލިޔެކިޔުންތައް އަންނަ ބުރާސްފަތި ދުވަހުން ފެށިގެން ފިނޭންސްގެ ވެބްސައިޓުން ޑައުންލޯޑު ކުރެވޭނެ
-
ބީލަމުގެ ސެކިއުރިޓީ: 260،000ރ.
-
ބީލަން ހުޅުވާނީ އަންނަ މަހުގެ 14 ވަނަ ދުވަހުގެ ހެނދުނު 10 ޖަހާއިރު
ގުޅުން ހުރި ކަމެއް - ފިނޭންސް މިނިސްޓްރީން މި ހަފްތާގައި ވަނީ ފުވައްމުލަކާއި ށ. ކޮމަންޑޫގައި ވެސް ހައުސިން ޔުނިޓު އަޅައިދޭނެ ބަޔަކު ހޯދަން އިއުލާނުކޮށްފަ އެވެ. އެ އިއުލާނުތަކުގައި ވަނީ:
-
ފުވައްމުލަކުގައި 400 ޔުނިޓު
-
ކޮމަންޑޫގައި 30 ޔުނިޓު