ފެރިދޫ ކައުންސިލްގެ ހުރިހާ މެމްބަރުން އެމްޑީޕީއަށް ސޮއިކުރައްވައިފި

އއ. ފެރިދޫ ކައުންސިލްގެ ހުރިހާ މެމްބަރުން އެމްޑީޕީއަށް ސޮއިކުރައްވައިފި އެވެ.

ވީ ކިހިނެއް؟ - މުޅިން ވެސް އަމިއްލަ މެމްބަރުންގެ ގޮތުގައި ތިއްބެވި ފެރިދޫ ކައުންސިލުގެ ފަސް މެމްބަރުން އެމްޑީޕީއާ ގުޅިވަޑައިގެން، އެ ޕާޓީއަށް ސޮއިކުރެއްވީ މިއަދު އެމްޑީޕީގެ އޮފީހުގައި އޮތް ރަސްމިއްޔާތެއްގަ އެވެ.

ތަފްސީލު - އެމްޑީޕީގެ ރަސްމީ ޓުވިޓާ އެކައުންޓުން ކުރި ޓުވީޓެއްގައި ބުނީ އެ މެމްބަރުންނާ އެކު 50 މީހުންގެ މެމްބަޝިޕް ފޯޯމު ވެސް އެ ޕާޓީގެ ޗެއާޕާސަން، އިކޮނޮމިކް މިނިސްޓަރު ފައްޔާޒު އިސްމާއިލްއާ ހަވާލުކުރި ކަމަށެވެ.

އާބާދީގައި 500 ވެސް ހަމަނުވާ ފެރިދޫ ކައުންސިލްގެ މެމްބަރުންނާ ރައީސް އިބްރާހިމް މުހައްމަދު ސޯލިހު ވެސް މިއަދު ބައްދަލުކުރެއްވި އެވެ.