ޑްރަގް ފައިސާ ލޯންޑާކުރި މައްސަލައިގައި އަލުން ގޮތް ނިންމަން ހައި ކޯޓުން ހުކުމްކޮށްފި

ފިރިމީހާ މަސްތުވާތަކެތި ވިއްކައިގެން ހޯދި ފައިސާ ބޭނުންކުރުމުގެ ތުހުމަތުގައި މަނީ ލޯންޑަރިންގެ ދައުވާ އުފުލާފައިވާ ރާމިޒާ އަލީގެ މައްސަލައިގައި ކްރިމިނަލް ކޯޓުން އަލުން ގޮތެއް ކަނޑައަޅަން ޖެހޭ ކަމަށް ހައި ކޯޓުން މިއަދު ހުކުމްކޮށްފި އެވެ.

މައްސަލައިގެ ފެށުން - ރާމިޒާ، ގދ. ތިނަދޫ/ލަކީލާސްޓްގެ މައްޗަށް ދައުލަތުން މަނީ ލޯންޑަރިންގެ ދައުވާކުރީ އޭނާގެ ފިރިމީހާ، އެ ރަށު ރަންގަލް، ހަސަން ލޫތު، ޑްރަގް ވިޔަފާރިކުރުމުގެ ތުހުމަތުގައި ހައްޔަރުކޮށްފައި ހުއްޓައި އޭނާގެ ފައިސާ ރާމިޒާ ބޭނުންކޮށްގެން ހިންގި މުއާމަލާތްތަކަކާ ގުޅިގެންނެވެ.

ދައުލަތުން ބުނަނީ ލޫތު ހައްޔަރުކުރުމުގެ ކުރިން ރާމިޒާ އާއި އެ ދެމަފިރިންގެ ދަރިއެއްގެ އެކައުންޓަށް އެކި ދުވަސް މަތިން ފައިސާ ޖަމާކޮށްފައިވާ ކަމަށެވެ. އެއީ:

ވީ ކިހިނެއް؟ - ރާމިޒާގެ މައްޗަށް ޕީޖީ އޮފީހުން ކުރާ މަނީ ލޯންޑަރިންގެ ދައުވާ ކްރިމިނަލް ކޯޓުން މިދިޔަ މަހު ބޭރުކޮށްލީ ޝަރީއަތުގެ ކުރިން ހުށަހަޅާ ހުށަހެޅުންތަކުގެ މަރުހަލާގައި ގޮތް ނިންމަމުންނެވެ. އެ ހުށަހެޅުންތަކުގައި ރާމިޒާގެ ފަރާތުން އޭރު އެދުނީ ދައުލަތުން ހުށަހަޅާފައިވާ ހެކިތައް ބަލައިނުގަތުމަށެވެ. 

އެ މައްސަލައިގައި ކްރިމިނަލް ކޯޓުން ނިންމީ ރާމިޒާ އެދުނު ގޮތަށެވެ. އަދި މައުލޫއީ ގޮތުން ދައުވާ ކުރިއަށް ގެންދެވޭނެ ތަނެއް ނެތް ކަމަށް ނިންމުމުން މައްސަލަ ވަނީ ބާތިލުވެފަ އެވެ.

ތަފްސީލް - ކްރިިމިނަލް ކޯޓުން މައްސަލަ ބޭރުކޮށްލި މައިގަނޑު ސަބަބުތަކުގެ ގޮތުގައި ފާހަގަކުރީ:

މި މައްސަލަ ހައި ކޯޓުގައި އިސްތިއުނާފު ކުރަމުން ޕީޖީ އޮފީހުން ބުނީ ކްރިމިނަލް ކޯޓުގެ ނިންމުން ގާނޫނާ ހިލާފު ކަމަށެވެ. އޭގެ ސަބަބަކީ ފަނޑިޔާރު ގޮތް ނިންމީ ރަނގަޅު އުސޫލުތަކެއްގެ މައްޗަށް ބިނާކޮށް ނޫން ކަމަށް ވެސް ވުމެވެ. 

ދައުލަތުން އެ ބުނި ވާހަކަތަކުގެ ރައްދުގައި ރާމިޒާގެ ވަކީލުން ބުނީ ދައުލަތުން ހުށަހަޅާފައިވާ ހެއްކަކުން ރާމިޒާ ކުރި އަމަލެއް ނޭނގޭ ކަމަށެވެ. އެހެންކަމުން އެދެނީ ކްރިމިނަލް ކޯޓުގެ ނިންމުން ދަމަހައްޓައި ދިނުމަށް ކަމަށެވެ.

ފަނޑިޔާރުންގެ ބަސް - މި މައްސަލަ ބެއްލެވީ ހައި ކޯޓުގެ ފަނޑިޔާރު މުހައްމަދު ފައިސަލް އާއި ފަނޑިޔާރު ހުޒައިފާ މުހައްމަދު އާއި ހުސައިން ޝަހީދު އެވެ. އެ ތިން ފަނޑިޔާރުން ވެސް އިއްތިފާގުވި ގޮތުގައި ކްރިމިނަލް ކޯޓުގެ ނިންމުން ގޯހެވެ.

ރިޔާސަތުގައި އިންނެވި ފަނޑިޔާރު ފައިސަލްގެ ރައުޔުގައި ލިޔުއްވި ގޮތުގައި:

ފަނޑިޔާރު ފައިސަލްގެ ރައުޔުގައި ހުރި ހެކިން ބަލައިގަތުމާ ގުޅޭ ކަންކަމަށް ތާއިދުކޮށް ފަނޑިޔާރު ހުޒެއިފާގެ ރައުޔުގައި ލިޔުއްވި ގޮތުގައި:

ގުޅުންހުރި ކަމެއް - ރާމިޒާގެ ފިރިމީހާ އާއި އޭނާގެ ޑްރަގް ނެޓްވޯކު ކަމަށް ދައުލަތުން ބުނާ މީހުންގެ މައްޗަށް ވެސް ވަނީ ޑްރަގް ޓްރެފިކިން އާއި މަނީ ލޯންޑަރިންގެ ދައުވާކޮށްފަ އެވެ. އެ މައްސަލައިގެ ޝަރީއަތް ދަނީ ކުރިޔަށެވެ.