ދެކުނު ދުނިން އިންވެސްޓުކުރަނީ ވިލުފުށީ އެއާޕޯޓަށް؛ ބަދަލުގައި ބޭނުންވަނީ ކަޅުފަހަލަފުށި

ޑޮމެސްޓިކް އެއާޕޯޓުތައް އަޅަން ފައިސާ ހޯދަން ހުޅުވާލި ފުރުސަތުގައި، ދެކުނު އިންވެސްޓްމަންޓުން ފައިސާ ދޭން އެއްބަސްވީ ތ. ވިލުފުށީ އެއާޕޯޓު ތަރައްގީކުރަން ކަމަށް ޕްލޭނިން މިނިސްޓްރީން މިއަދު ބުނެފި އެވެ. މި އިންވެސްޓްމަންޓުގެ ބަދަލުގައި ރިސޯޓެއް ތަރައްގީކުރަން އެ ކުންފުނިން ބޭނުން ވަނީ ތ. ކަޅުފަހަލަފުއްޓެވެ.

ވީ ކިހިނެއް؟ - ސަރުކާރުން ހަރަދު ކުރުމުގެ ބަދަލުގައި އިންވެސްޓަރުން ތަރައްގީ ކުރާ ގޮތަށް ނޫނީ ފައިސާ ދޭ ގޮތަށް، ކްރޮސް ސަބްސިޑީ އުސޫލުން ރިސޯޓު ހަދަން ރަށެއް ދޭ ގޮތަށް ހަ އެއާޕޯޓަކަށް ފައިނޭންސަރުން ހޯދަން ސަރުކާރުން ހުޅުވާލި އެވެ. އެއީ:

މި ފުރުސަތުގެ ތެރެއިން މަދުވެގެން 3 މިލިއަން ޑޮލަރު (46.13 މިލިއަން ރުފިޔާ) ދޭ ގޮތަށް ޕްލޭނިން މިނިސްޓްރީން ކުރި އިއުލާނުގެ ދަށުން މިހާތަނަށް އެއްބަސްވުމުގައި ސޮއިކުރި ހަމައެކަނި ފަރާތަކީ ދެކުނު ދުނި އިންވެސްޓްމަންޓްސް އެވެ.

ތަފްސީލް - ފައިނޭންސިން އެއްބަސްވުމާ ގުޅޭ ގޮތުން ޕްލޭނިން މިނިސްޓްރީގެ އޮފިޝަލަކު 'ދައުރު'އަށް ވިދާޅުވީ، ދުނިކޮޅު އިންވެސްޓްމަންޓްސްއާ އެކު އެއްބަސްވެފައިވަނީ ކަނޑައެޅިފައިވާ މުއްދަތުގެ ތެރޭގައި ފައިސާ ހަމަޖެއްސުމަށް ކަމަށެވެ.

ފައިނޭންސް ކުރަން އެއްބަސްވީ ދުނިކޮޅު އިންވެސްޓްމަންޓްސް އަކީ، ރިސޯޓު ތަރައްގީކޮށް ހިންގުމުގައި ގިނަ އަހަރުތަކެއް ވެފައިވާ ސަންލޭންޑް ހޮޓެލްސް އާއި ސަންލޭންޑް ޓްރެވަލްސްގެ ހިއްސާދާރުންގެ ކުންފުންޏެކެވެ. މި ދެ ކުންފުނީގެ ދަށުން ހިންގާ ރިސޯޓުތަކަކީ:

ބިމުގެ ޖާގަ ބޮޑު ކަޅުފަހަލަފުށީގައި ރިސޯޓެއް ހަދަން ފުރަތަމަ ހަވާލުކުރީ އޭޝިއާ ރިސޯޓްސް ކިޔާ ކުންފުންޏަކާ، މެއި 2005ގަ އެވެ. އެކަމަކު 2015ގައި ސަރުކާރުން އެއްބަސްވުން ބާތިލުކުރުމާ ހަމައަށް، އެ ރަށް ތަރައްގީކުރަން އެއްވެސް މަސައްކަތެއް ނުކުރެ އެވެ. މި މައްސަލައިގައި ސިވިލް ކޯޓުން ވަނީ 22 މިލިއަން ޑޮލަރު ދައްކަން އެ ކުންފުނީގެ މައްޗަށް ހުކުމް އިއްވާފަ އެވެ.

އެއްބަސްވުން ބާތިލުކުރުމަށް ފަހު، ޓޫރިޒަމް މިނިސްޓަރަކަށް އަހުމަދު އަދީބު ހުންނަވައިގެން، ޗައިނާ މެޝީނަރީ އިންޖިނިއަރިން އެންޑް ކޮންސްޓްރަކްޝަން (ސީމެކް)އާ 'ޗައިނާ-ފްރެންޑްލީ' ރިސޯޓެއް ތަރައްގީކުރަން ވެސް އެ ރަށް ހަވާލުކުރި އެވެ. ފަހުން އެ އެއްބަސްވުމަށް ވީނުވީއެއް ނޭނގެ އެވެ.