މާދަމާ ދަ ވެލްނެސް ކްލަބްގެ ގުރޫޕް ކްލާސްތަކަށް ހިލޭ ވަދެވޭނެ

އުރަމަތީގެ ކެންސަރަށް ހޭލުންތެރިކުރާ އޮކްޓޯބަރު މަސް މާލޭގައި ފާހަގަކުރާ އެއް ތަނަކީ އޭޑީކޭ ހޮސްޕިޓަލްގެ ޖިމް ދަ ވެލްނެސް ކްލަބެވެ.

އެތަނުގެ މެނޭޖިން ޑިރެކްޓަރު ޝިފާނާ ވަޖީހު ފާހަގަކުރެއްވިގޮތުގައި ދިރިއުޅުމުގެ ދުޅަހެޔޮ އާދަތަކާ އެކު ޖިސްމާނީ ހަރަކާތްތެރިކަމާއި ކަސްރަތު ކުރުމަކީ ހުރިހާ ބާވަތެއްގެ ކެންސަރުން ރައްކާތެރިވުމުގައި ވަރަށް މުހިންމު ދައުރެއް އަދާކުރާ ކަމެކެވެ.

އުރަމަތީގެ ކެންސަރަށް ހޭލުންތެރިކުރުމުގެ ހާއްސަ މަސައްކަތްތަކެއް ކުރާ މި މަހު ތަފާތު ކަމެއް ކުރުމުގެ ބޭނުމުގައި ދަ ވެލްނެސް ކްލަބުން ވަނީ އެތަނުގައި ހިންގާ ހުރިހާ ގުރޫޕް ކްލާސްތަކަށް މާދަމާ މެންބަރުންނަށާއި އާއްމުންނަށް ހިލޭ ވަދެވޭ ގޮތަށް ހަމަޖައްސާފަ އެވެ. 

ފަތިހު 5:55 އިން ފެށިގެން ރޭގަނޑު 9:20 އަށް އެ ޖިމްގައި ކްލާސްތައް ކުރިއަށް ދާނެ އެވެ. އޭގެ ތެރޭގައި ހިމެނެނީ:

ދެ ޖިންސުގެ މީހުންނަށް ބައިވެރިވެވޭ ކްލާސްތަކާއި އަންހެނުންނަށް ހާއްސަ ކްލާސްތައް މި ޝެޑިއުލްގައި ހިމެނެ އެވެ.

މި ކްލާސްތަކުގެ އިތުރުން އުރަމަތީގެ ކެންސަރާ ގުޅޭ ސެޝަނެއް ދަ ވެލްނެސް ކްލަބުގައި ކުރިއަށް ގެންދިއުމަށް ވަނީ ނިންމާފަ އެވެ. ކެންސާ ސޯސައިޓީ އޮފް މޯލްޑިވްސްގެ ފަރާތުން ޑޮކްޓަރުން މައުލޫމާތު ދެއްވާ މި ސެޝަން އޮންނާނީ މާދަމާ ހަވީރު 5 ޖަހާ އިރު އެވެ.