ފަސޭހަ ރެސިޕީ: ކުޅުދިޔާކޮށްލާ ވިންގްސް ރެސިޕީއެއް

ޗިކަން ވިންގްސް އަކީ ވަރަށް ގިނަ މީހުންގެ ފެވަރިޓެކެވެ. ކެފޭތަކުގައި ވިއްކަން ހުންނަ ވިންގްސްއާ އެއްގޮތަށް ގޭގައި ވިންގްސް ތައްޔާރުކުރެވިދާނެ އެވެ. ރޯދައަށް ތިބޭ ފުރާވަރު އުމުރުފުރައިގެ ކުދިންނަށް މި ޑިޝް ކަމުދާނެހެން ހީވެ އެެވެ.

މި ޑިޝް ތައްޔާރުކުރާ އިރު ބޭނުން ކުރާ ހާއްސަ އުކުޅެއް އޮވެ އެވެ. އަވަނުން ވިންގްސް ފިހާ އިރު އުފެދޭ ފެންތައް އުކާލުމަށް ފަހު މާމުޔާއި ސޯއީ ސޯސް ލުމުން ވިންގްސްގައި ބޭނުންވާ ކަހަލަ ތަތް ޓެކްސްޗާއެއް ހުރެފައި ސޯސްގަނޑު ރަނގަޅަށް ހޭކިފައި ހުންނާނެ އެވެ. މިގޮތަށް ހެދިޔަސް ވިންގްސްގެ ރަހައަށް ބަދަލުނައިސް ސޯސް ރަނގަޅަށް ސިރަޕަކަށް ބަދަލުވެ ރަނގަޅަށް ގްލޭޒްވެ އެވެ. 

މި ރެސިޕީގެ ސީކްރެޓް އިންގްރީޑިއަންޓް އަކީ މާމުޔެވެ. މާމުއި ތިން ދައުރެއް އަދާ ކުރެ އެވެ. ފުރަތަމަ ކުޑަ ފޮނި ރަހައެއް ގެންނަ އިރު، ސޯސްގަނޑު އޮލަކޮށްލަދީ ރަނގަޅަށް ގްލޭޒްކޮށްދެ އެވެ.

މެރިނޭޑް ހެދުމަށް ބޭނުންވާ ތަކެތި

މެރިނޭޑް އަށް ބޭނުންވާ ތަކެތި ބޯތައްޓެއްގައި ރަނގަޅަށް އެއްކޮށްލާށެވެ. އެއްކުރާނީ މާމުޔާއި ސޯސްތައް ރަނގަޅަށް އެއްވާ ވަރަށެވެ.

އެއަށް ފަހު ޒިޕް ލޮކް ބޭގެއްގެ ތެރެއަށް ވިންގްސް އެޅުމަށް ފަހު 30 މިނެޓަށް ބަހައްޓާށެވެ.

އަވަން 200 ޑިގްރީއަށް ހޫނު ކުރާށެވެ. އަވަނުގެ ޓްރޭގައި އެންމެ ފުރަތަމަ ފޮއިލް އަޅާށެވެ. އެއަށް ފަހު ބޭކިން ޕޭޕާ އަޅާށެވެ.

ޓްރޭގައި ވިންގްސް އަތުރާލައި 30 މިނެޓު ފިހާށެވެ. ބާކީ މެރިނޭޑް ހުރިއްޔާ ފަހުން އެޅުމަށް ބަހައްޓާށެވެ. ކުކުޅުން ނުކުންނަ ފެންތައް އޮއްސާލުމަށް ފަހު ބާކީ ހުރި މެރިނޭޑް ވިންގްސްގައި ހާކާށެވެ.

އަވަނުގެ ހޫނުމިން 180 ޑިގްރީއަށް ތިރިކޮށްފައި އަނެއްކާވެސް 30 މިނެޓެއްހާ އިރު ފިހާށެވެ. ވިންގްސް ހުންނާނީ ރަނގަޅަށް ކުލަ އަރާފަ އެވެ. ބޭނުން ނަމަ ކޮންމެ 10 މިނެޓަކުން ވިންގްސް ފުށުން ޖަހާށެވެ.

ފިހެ ނިމުމުން މައްޗަށް ސެސަމީ ސީޑް އަދި ސްޕްރިންގް އަނިއަން ކޮށާލާފައި އަޅާށެވެ.