މިއްޓުގެ ޑޯޕާއި ލޯތްބާއި އެނދިނޭނދި

'އެނދިނޭނދި' ސިލްސިލާގައި މިފަހަރު މި އޮތީ މި އިންޓަވިއުތަކުގެ ރަހަ ހެޔޮވަރުކޮށްދިން ތީމް ލަވައިގެ ފަހަތުގައި ހުރި ސިކުނޑި އެވެ. ތޯރިފް ވަހީދު ނުވަތަ ސްޓޭޖު ނަމުން ނަމަ މިއްޓު އަކީ މި ޝޯގައި ފީޗާކޮށްފައިވާ ލަވަ 'ޑޯޕް' ގެނެސްދިން ރިކޯޑިން ލޭބަލް، އެސްޓިއަން ރިކޯޑްސްގެ ފައުންޑާ އަދި އެންމެ މުހިންމު އެއް ރެޕަރު ވެސް މެއެވެ.

މިއްޓު ކިޔައިދިން ގޮތުން ނަމަ ހިޕްހޮޕްގެ ތެރެއަށް މިގޮތަށް ވަދެވިދާނެ ކަމަށް އޭނާ އުއްމީދެއް ނުކުރެ އެވެ. ނަމަވެސް ރާއްޖޭގައި އުފެދި މަގްބޫލުވަމުން ދިޔަ ހިޕްހޮޕްގެ ފޯރީގައި ޖެހި އޭނާ ވެސް ބޭނުންވީ އަޖުމަ ބަލައިލާށެވެ. އެގޮތުން ނެރުނު ފުރަތަމަ އެއް ލަވަ އަކީ "ޑޯޕް' އެވެ.