ސަލްމާން ހާން
ކިސީ ކާ ބާއީ ކިސީ ކީ ޖާން: ފާޑުކިޔަސް ދެވަނަ ދުވަހު އާމްދަނީ ރަނގަޅުވެ ސަލްމާންގެ ޝުކުރު
ބައެއް ކްރިޓިކުން ބުނާގޮތުގައި އެހާ ކަޑަ ފިލްމެއް ނެތެވެ. އަދި ފިލްމު ނެރުނު ދުވަހު ބަލަންދިޔަ މީހުން މަދެވެ. އެކަމަކު ސަލްމާން ހާން އާއި ޕޫޖާ ހެޖްގެ 'ކިސީ ކާ ބާއީ ކިސީ ކީ ޖާން' އަށް ދެވަނަ ދުވަހު ރަނގަޅު ތަރުހީބެއް ވަނީ ލިބިފަ އެވެ.
އެ ފިލްމު އެޅުވި ހުކުރު ދުވަހުގެ އާމްދަނީ 15.81 ކްރޯޑު ރުޕީސްގައި ހުރެފައި ހޮނިހިރު ދުވަހު 25.75 ކްރޯޑު ލިބި އެނަލިސްޓް ތަރަން އާދާޝް ސިފަކުރީ "އާދަޔާހިލާފު ކުރިއެރުމެއް"ގެ ގޮތުގަ އެވެ. އޭނާ ބުނިގޮތުގައި އެއިން ދައްކައިދެނީ ސަލްމާން ހާންގެ "ސުޕަސްޓާޑަމް" އެވެ. އަދި ކުރިއަށް ހުރި ދުވަސްތަކުގައި ފިލްމަށް ރަނގަޅު ތަރުހީބެއް ލިބޭނެ ކަމަށް ތަރަން ލަފާކުރެ އެވެ.
#SalmanKhan’s superstardom is on display as #KisiKaBhaiKisiKiJaan witnesses remarkable growth on Day 2 [#Eid]… Biz escalates across the board… #SalmanKhan + #Eid = 🔥🔥🔥… Fri 15.81 cr, Sat 25.75 cr. Total: ₹ 41.56 cr. #India biz.
— taran adarsh (@taran_adarsh) April 23, 2023
The lukewarm biz at metros on Day 1 was… pic.twitter.com/q9S4q1XFGo
ފިލްމު ބަލަންދާ މީހުން އިތުރުވުމާ ގުޅިގެން ސަލްމާން ވަނީ ޝުކުރުގެ ނޯޓަކާ އެކު އޭނާގެ ފޮޓޯއެއް އިންސްޓަގްރާމަށް ލައިފަ އެވެ. ފޭނުން އޭނާއަށް ދެމުން އަންނަ ލޯތްބާއި އެއްބާރުލުން އެ ޕޯސްޓުގައި ފާހަގަކޮށްފައިވެ އެވެ.
ފަރްހާދު ސަމްޖީ ޑައިރެކްޓްކޮށްފައިވާ 'ކިސީ ކާ ބާއީ ކިސީ ކީ ޖާން' އިން ވެންކަޓޭޝް، ޝެހެނާޒް ގިލް އަދި ރާގަވް ވެސް ފެނެ އެވެ.
ސަލްމާންގެ 'ބަޖްރަންގީ ބައިޖާން'ގެ ދެވަނަ ބައެއް ހަދާކަން ވަނީ އިއުލާންކޮށްފަ އެވެ. އޭނާގެ ކުރިއަށް ހުރި އިތުރު ފިލްމުތަކުގެ ތެރޭގައި ޖެކްލީން ފެނާންޑޭޒްއާ އެކު 'ކިކް 2' އަދި މި އަހަރު ނެރޭ ކެޓްރީނާ ކައިފް އާއި އޭނާގެ 'ޓައިގާ 3' ހިމެނެ އެވެ. ޝާހު ރުކް ހާންގެ 'ޕަޓާން'ގެ ހާއްސަ ފެނިލުމަކުން މި އަހަރު ސަލްމާން ފެނިފައިވެ އެވެ.
ކޮމެންޓް (1)
ކުޑަހޮއްކޮ