ބޮލީވުޑުން މި އަހަރު ފެނުނު އެންމެ މޮޅު އެކްޓިން

ފިލްމެއްގައި އެކްޓަރުން ކުރާ މަސައްކަތް މޮޅޭ ބުނަނީ އެ ފިލްމެއްގެ ވާހަކަ ދައްކާ އޯޑިއަންސް އިން އެ ކުރާ ތައުރީފާއި ފިލްމަށް ލިބޭ އާމްދަނީ އަށް ވެސް ބެލުމަށް ފަހު އެވެ. ބައެއް ފަހަރު ބޮކްސް އޮފީހުގައި މާ އެދެވޭ ތަރުހީބެއް ނުލިބި ސިނަމާ އިން ނަގަން ޖެހޭ ފިލްމުތަކުން ވެސް ތަރިންގެ ފަރާތުން މޮޅު އެކްޓިން ފެނިފައި އެބަހުއްޓެވެ.

މި ނިމިގެންދާ 2022 ވަނަ އަހަރު ވެސް ބޮލީވުޑް ސިނަމާ އަށް ގިނަ ފިލްމުތަކެއް އަ އެވެ. އެކަމަކު ތަރިންގެ ފަރާތުން މޮޅު މަސައްކަތެއް ފެނުނީ މަދު ފިލްމަކުންނެވެ. އޭގެ ތެރެއިން ވެސް އެންމެ ފާހަގަކުރެވުނު މަސައްކަތްތަކަކީ:

ސަންޖޭ ލީލާ ބާންސާލީގެ މި ފިލްމުގައި އާލިޔާ ފެނުނީ ވަރުގަދަ ރޯލަކުން ކަމަށް ގިނަ ބަޔަކު އެއްބަސްވެ އެވެ. އޭނާ ދެއްކި އެކްޓިން އަށް އޯޑިއަންސް އާއި އިންޑަސްޓްރީގެ އެހެން ފަންނާނުންގެ ތައުރީފު ލިބުނެވެ.

'މާފިއާ ކުއީންސް އޮފް މުމްބާއީ' ފޮތް އަސްލަކަށް ބަލައިގެން އުފެއްދި މި ފިލްމަކީ 1960ގެ އަހަރުތަކުގައި އުޅުނު ގަންގޫބާއީ ކިޔާ އަންހެނެއްގެ ހަޔާތުގެ މައްޗަށް ހަދާފައިވާ ބަޔޮގްރަފިކަލް ކްރައިމް ޑްރާމާއެކެވެ.

މިއީ އޭނާގެ ކެރިއަރުގެ އެންމެ ތަފާތު މަސައްކަތެވެ. އުނދަގޫ ވެދާނެ ކަމަށް ގަބޫލު ކުރެވޭ ރޯލެއް ނަމަވެސް އޯޑިއަންސް އަށް ފެނުނީ އޭނާގެ ހުނަރާއި ކުޅަދާނަކަމެވެ. 

ޝިފާލީ އަކީ ބޮލީވުޑްގެ އެންމެ ކުޅަދާނަ ތަރިންގެ ލިސްޓުގެ ކުރިން ޖާގަ ލިބޭނެ ފަންނާނެކެވެ. އާލިޔާ ބަޓްގެ މަންމަގެ ރޯލުން ފިލްމު 'ޑާލިންގްސް'ގައި ޝިފާލީ ދައްކާލި ހުނަރަށް ގިނަ ބަޔަކު ތައުރީފު ކުރި އެވެ.

ޑާކް ކޮމެޑީ ޖޯންރާގެ މި ފިލްމުން ފެންނަނީ ފިރިއެއްގެ ފަރާތުން އަނިޔާ ލިބޭ އަންހެން ދަރިފުޅު ސަލާމަތް ކުރަން މަންމައަކު އެ ދަރިފުޅާ އެކު ކުރާ މަސައްކަތެވެ.

މީގެ އިތުރުން 'ބޫލް ބުލައްޔާ 2' ގައި ކާރްތިކް އާރިޔަންގެ އެކްޓިން އާއި 'ދްރިޝްޔަމް 2' ގައި އަޖޭ ދޭވްގަން އަދި 'ބްރަމަސްތުރަ' ގައި ރަންބީރު ކަޕޫރުގެ މަސައްކަތް ވެސް ގިނަ ބަޔަކު ފާހަގަކުރެ އެވެ.