ކްރިތީ އާއި ޕްރަބާސް
ޕްރަބާސް ބުނީ ކައިވެނި ކުރާނީ ސަލްމާން ކައިވެންޏެއް ކުރީމާ ކަމަށް
ކައިވެންޏެއް ކުރާނީ ސަލްމާން ހާން ކައިވެނި ކުރި ދުވަހަކުން ކަމަށް ޓެލުގޫ އެކްޓަރު ޕްރަބާސް ބުނެފި އެވެ.
'ބާހޫބަލީ'ގެ ތަރި ބައިވެރިވި ޓޯކް ޝޯ އެއްގައި އޭނާ ކައިވެންޏެއް ކުރަން ވިސްނަނީ ކޮންއިރަކުތޯ އެހުމުން ބުނީ "ސަލްމާން ހާން އަށް ފަހު" ކަމަށެވެ.
ޕްރަބާސް އަކީ އާންމުކޮށް އިންޓަވިއުތަކާ ދުރު ތަރިއެކެވެ. އޭނާ އާއި ބޮލީވުޑްގެ ތަރި ކްރިތީ ސަނޯންއާ ދެމެދު ގުޅުމެއް އޮންނަ ކަމަށް ވާހަކަ ދެކެވެ އެވެ. މިފަހުން 'ޖަލަކް ދިކްލާޖާ'ގެ ޝޯ އެއްގެ ތެރެއިން ވަރުން ދަވަން ވެސް ވަނީ ކްރިތީ އާއި ބްރަބާސްގެ ގުޅުމާ ބެހޭގޮތުން ވާހަކަ ދައްކައިފަ އެވެ. އެ އަޑު ގަދަވެގެން އުޅެނީ ވަރުންގެ ވާހަކަތަކަށް ފަހު އެވެ.
އެކަމަކު ފަހުން ކްރިތީ ވަނީ އެ ވާހަކަތައް ދޮގުކޮށްފަ އެވެ. އޭނާ ބުނީ އެއީ އެއްވެސް ހަގީގަތެއް ނެތް ވާހަކަތަކެއް ކަމަށާއި ވަރުން މާ ބޮޑަށް "އަނގަގަދަވީ" ކަމަށެވެ. އޭނާ އާއި ޕްރަބާސްއާ ދެމެދު އެއްވެސް ގުޅުމެއް ނެތް ކަމަށް ކްރިތީ ބުންޏެވެ.
"އަނެއްކާ އަހަރެން ކައިވެންޏެއް ކުރަން އުޅޭ ކަމަށް ބުނެ ތާރީހެއް އާންމުވުމުގެ ކުރިން ބުނެލަން. އަހަރެންނާއި ޕްރަބާސްއާ ދެމެދު އެއްވެސް ގުޅުމެއް ނެތް. އެ ވާހަކަތަކުގައި އެއްވެސް ހަގީގަތެއް އެކުލެވިގެނެއް ނުވޭ،" ކްރިތީ ބުންޏެވެ.
ކޮމެންޓް (1)
ޝަންކަރު