އުރީދޫގެ ފުޅާވަމުން އަންނަ ފިންޓެކް ހިދުމަތްތައް ފައިނޭންޝަލް އެކްސްޕޯއަށް

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އިންތިޒާމުކުރާ 'މޯލްޑިވްސް ފައިނޭންޝަލް އެކްސްޕޯ 2026'ގެ ޕާޓްނަރަކަށް އުރީދޫ ވެއްޖެ އެވެ.

ވީ ކިހިނެއް؟ - މި އެކްސްޕޯ އޮންނާނީ މާދަމާ އިން ފެށިގެން ހޮނިހިރު ދުވަހުގެ ނިޔަލަށް، ހުޅުމާލޭ ސެންޓްރަލް ޕާކުގައި ކޮންމެ ދުވަހެއްގެ ހަވީރު 3 އިން ރޭގަނޑު 10 އަށެވެ.

މި އެކްސްޕޯއަކީ މާލީ ދާއިރާގެ މުހިންމު ފަރާތްތައް އެއްތަނަކުން ބައްދަލުވެ، މާލީ ހޭލުންތެރިކަމާއި އީޖާދީ ކަންކަމާ އަދި މާލީ ކަންކަމުގައި އެންމެންގެ ބައިވެރިވުން އިތުރުކުރުމަށް ބާއްވާ ހަރަކާތެކެވެ.

ތަފްސީލް - މި އެކްސްޕޯގައި، އުރީދޫ ފިންޓެކްގެ ފަރާތުން އެ ކުންފުނީގެ ފުޅާވަމުން އަންނަ ޑިޖިޓަލް މާލީ ނިޒާމު ދައްކާލާނެ އެވެ. މީގެ ތެރޭގައި ދާދި ފަހުން ތައާރަފުކުރި، އެމް-ފައިސާ އާއި ޕޭޕަލް ގުޅާލުމުގެ ހިދުމަތް ހިމެނެ އެވެ. އެގޮތުން:

މީގެ އިތުރުން، އުރީދޫގެ ހެޑް އޮފް ފިންޓެކް އަހުމަދު ނޫމާން، ޑިޖިޓަލް ޕޭމަންޓްތަކާއި މާލީ އީޖާދުތަކުގެ މުސްތަގުބަލާ ބެހޭ ގޮތުން ބާއްވާ ޕެނަލް މަޝްވަރާއެއްގައި ބައިވެރިވެވަޑައިގަންނަވާނެ އެވެ. މި މަޝްވަރާގައި ހިމެނޭނީ:

މި އެކްސްޕޯގައި އުރީދޫގެ ސްޓޯލަށް ޒިޔާރަތްކުރުމަށް އެ ކުންފުނިން އާންމުންނަށް ދައުވަތުދެ އެވެ. މިއީ އެމް-ފައިސާއާ ބެހޭ އިތުރު މައުލޫމާތު ހޯދުމަށާއި އުރީދޫގެ ފުޅާވަމުން އަންނަ ޑިޖިޓަލް މާލީ ނިޒާމުގެ އެހީގައި ރާއްޖޭގެ އެކި ކަންކޮޅުތަކުގައި ތިބި އަމިއްލަ ފަރުދުންނާއި ވިޔަފާރިތަކަށް ކުރިއެރުން ލިބެމުންދާ ގޮތް ދެނެގަތުމަށް ލިބޭ ރަނގަޅު ފުރުސަތެވެ.