ރައީސް ސޮއިކުރައްވާފައިވާ މެޗު ބޯޅަތައް ދިވެހި ފުޓްބޯޅަ ލެޖެންޑުންނާ ހަވާލުކޮށްފި

ރާއްޖޭގެ ފުޓްބޯޅަ ކުރިއެރުވުމަށް ގައުމީ ފުޓްބޯޅަ ޓީމުގެ ކުރީގެ ކުޅުންތެރިން ކޮށްދީފައިވާ ހިދުމަތްތަކުގެ އަގުވަޒަންކުރުމުގެ ގޮތުން ރައީސް މުހައްމަދު މުއިއްޒު ސޮއިކުރައްވާފައިވާ ފީފާ ވޯލްޑް ކަޕްގެ ބޯޅަތައް އެ ކުޅުންތެރިންނަށް އިއްޔެ ހަދިޔާކޮށްފި އެވެ.

ވީ ކިހިނެއް؟ - މި ބޯޅަތައް ހަދިޔާކުރީ ރާއްޖޭގައި ކޮކާ-ކޯލާ ކުންފުނީގެ ރަސްމީ ބޮޓްލަރު ކަމަށްވާ މާލޭ އެރޭޓަޑް ވޯޓާ ކޮމްޕެނީ (އެމްއޭޑަބްލިޔުސީ)ން ސްޕޯޓްސް މިނިސްޓްރީއާ ގުޅިގެން ބޭއްވި ރަސްމިއްޔާތެއްގަ އެވެ.

ތަފްސީލް - ކޮކާ-ކޯލާ ކުންފުންޏަކީ 1974 އިން ފެށިގެން ފީފާގެ ރަސްމީ ބައިވެރިއެކެވެ. މިއީ ދުނިޔޭގެ ކުޅިވަރުގެ ތާރީހުގައި ވެސް އެންމެ ދިގު މުއްދަތަކަށް ދެމިއޮތް އެއް ޕާޓްނަޝިޕެވެ.

ބޯޅަ ހަވާލުކުރުމަކީ އެމްއޭޑަބްލިޔުސީއަށް ފީފާ ވޯލްޑް ކަޕާއި ދިވެހި ފުޓްބޯޅައިގެ ތާރީހަށް ހިދުމަތް ކުރި ބޭފުޅުންނާ ގުޅުވައިދީ، އެ ބައިނަލްއަގުވާމީ ޕާޓްނަޝިޕް ރާއްޖޭގެ ފެންވަރުގައި ދައްކުވައިދިން ކަމެކެވެ.

ވޭތުވެދިޔަ 35އަށް ވުރެ ގިނަ އަހަރު ރާއްޖޭގައި ކޮކާ-ކޯލާގެ ހަމައެކަނި ހުއްދަދެވިފައިވާ ބޮޓްލަރުގެ ގޮތުގައި، އެމްއޭޑަބްލިޔުސީން އަންނަނީ އެކި ޕާޓްނަޝިޕްތަކާއި ކެމްޕޭންތަކާ އަދި އިޖުތިމާއީ ހަރަކާތްތަކުގެ ޒަރީއާއިން ކުޅިވަރުތަކަށް އެއްބާރުލުން ދެމުންނެވެ.

ބުނީ ކީކޭ؟ - އެމްއޭޑަބްލިޔުސީގެ ޗީފް އޮޕަރޭޓިން އޮފިސަރު މިލިންދު ދޭރަސާރީ ވިދާޅުވީ ރާއްޖޭގެ ފުޓްބޯޅަ ލެޖެންޑުން ވަނީ އެތައް ޖީލެއްގެ ސަޕޯޓަރުންނަށް ފަހުރުވެރި ހަނދާންތަކެއް ހަދިޔާކޮށް، ކުޅިވަރުގެ ތާރީހު ބައްޓަންކުރުމުގައި މުހިންމު ދައުރެއް އަދާކޮށްފައި ކަމަށެވެ.

"އަޅުގަނޑުމެން ގަބޫލުކުރަނީ، އާ ޖީލަށް އެއްބާރުލުން ދިނުން ފަދައިން، މި ބޭފުޅުންގެ ހިދުމަތްތަކުގެ އަގުވަޒަންކުރުމަކީ ވެސް ހަމަ އެހާމެ މުހިންމު ކަމެއް ކަމަށް. ކޮކާ-ކޯލާ އާއި ފީފާއާ އެކު އޮތް ޕާޓްނަޝިޕްގެ ދަށުން އަދި މިނިސްޓްރީއާ ގުޅިގެން، އެ ބޭފުޅުންގެ ތާރީހީ ހިދުމަތްތައް ފާހަގަކުރުމަކީ އަޅުގަނޑުމެންނަށް ލިބޭ ވަރަށް ބޮޑު ޝަރަފެއް،" އޭނާ ވިދާޅުވި އެވެ.

"މި މެޗު ބޯޅަތަކަކީ ދިވެހި ފުޓްބޯޅައަށް އެ ބޭފުޅުން ކޮށްދެއްވި ހިދުމަތްތަކުގެ އަގުވަޒަންކުރުމުގެ ގޮތުން އަޅުގަނޑުމެން އަރުވާ ހަދިޔާއެއް." 

ގުޅުންހުރި - ފުޓްބޯޅަ ސީޒަނުގެ ފޯރި އިތުރުކުރުމުގެ ގޮތުން، އެމްއޭޑަބްލިޔުސީން ވަނީ 21 މާޗުން 24 މޭގެ ނިޔަލަށް މުޅި ރާއްޖެއަށް ހުޅުވާލައިގެން ފީފާ ވޯލްޑް ކަޕް 2026 ޕްރޮމޯޝަނެއް ކުރިއަށް ގެންގޮސްފަ އެވެ. މީގެ ތެރެއިން: