ވެހިކަލަށް ހާއްސަ އޮޓޯސްފިއާ ޝޯރޫމާއި ސާވިސް ސެންޓަރު ހުޅުވައިފި

އުޅަނދުތައް ވިއްކުމުގެ އިތުރުން މަރާމާތާއި ބެލެހެއްޓުމުގެ ތަފާތު ހިދުމަތްތަކާ އެކު، އޮޓޯސްފިއާގެ އާ އޮޓޯމޯޓިވް ޝޯރޫމާއި ސާވިސް ސެންޓަރު ހުޅުމާލޭގައި ހުޅުވައިފި އެވެ.

ވީ ކިހިނެއް؟ - މިދިޔަ އަހަރު ގާއިމުކުރި މި ސެންޓަރު ހުންނަނީ ފިތުރޯނު މަގުގަ އެވެ.

މިއީ އަމިއްލަ އުޅަނދުތައް ގެންގުޅޭ ފަރާތްތަކަށާއި ގިނަ އަދަދެއްގެ އުޅަނދު ގެންގުޅޭ ކުންފުނިތަކަށް ހިދުމަތް ދިނުމަށް އަމާޒުކޮށްގެން ހުޅުވި ތަނެކެވެ.

މިއީ އެންމެ ބޮޑު އިސްކަމެއް ދެނީ އުޅަނދުތަކުގެ އާންމު މަރާމާތާއި އެންމެ ޒަމާނީ ފެންވަރުގެ މަރާމާތުތައް ކުރެވޭނެ ވަސީލަތްތައް ގާއިމުކޮށްފައިވާ ސާވިސް ސެންޓަރަށެވެ.

ތަފްސީލް - މި ސާވިސް ސެންޓަރުގައި ޕްރޮފެޝަނަލް ފެންވަރުގެ އޮޓޯމޯޓިވް އިކުއިޕްމަންޓްތައް ހިމެނެ އެވެ. އޭގެ ތެރޭގައި:

މި ވަސީލަތްތަކުގެ އެހީގައި ތަފާތު ބާވަތްތަކުގެ އުޅަނދުތަކުގެ މައްސަލަތައް ދެނެގަތުމާއި ޕާފޯމަންސް ޗެކްކުރުމާ އަދި މެކޭނިކަލް ސާވިސްތައް ފުރިހަމައަށް ފޯރުކޮށްދެވޭނެ އެވެ.

އޮޓޯސްފިއާއިން ވަނީ އިންޖީނުގެ ތެލާއި ފިލްޓަރު ބަދަލުކުރުމުން ފެށިގެން، ފުރިހަމަ ސާވިސިން ޕްރޮގްރާމްތަކާ ހަމައަށް މެއިންޓެނަންސް ޕެކޭޖްތަކެއް ތައާރަފުކޮށްފަ އެވެ. މި ޕެކޭޖްތަކުގެ ތެރޭގައި ހިމެނެނީ:

ކަސްޓަމަރުންނަށް ކާސްޓްރޯލް އެޖް އަދި ބީއެމްޑަބްލިއު ހިމެނޭހެން ތަފާތު ބާވަތްތަކުގެ އިންޖީނު ތެޔޮ އިހްތިޔާރު ކުރުމުގެ ފުރުސަތު އޮވެ އެވެ.

ފާހަގަކޮށްލެވޭ - ސާވިސް ކުރުމުގެ އިތުރުން، މި ޝޯރޫމުން ނިސާން، ޓޮޔޯޓާ، ބީއެމްޑަބްލިއު، ބީވައިޑީ އަދި މާސިޑީޒް-ބެންޒް ފަދަ މަޝްހޫރު ބްރޭންޑްތަކުގެ އުޅަނދުތައް ލިބެން ހުންނާނެ އެވެ. އަދި ކަސްޓަމަރުން ބޭނުންވާ ވަކި ހާއްސަ ސިފަތަކެއް ހިމެނޭހެން އުޅަނދުތަކަށް ޕްރީ-އޯޑަރު ދިނުމުގެ ފުރުސަތު ވެސް ވަނީ ހުޅުވާލާފަ އެވެ.

އޮޓޯސްފިއާއިން ބުނި ގޮތުގައި، އުޅަނދު ވިއްކުމާއި ވިއްކުމަށްފަހު ދޭ ހިދުމަތްތައް އެއްތަނަކުން ފޯރުކޮށްދިނުމުގެ މަގްސަދަކީ، އުޅަނދު ގެންގުޅޭ ފަރާތްތަކަށް ބޭނުންވާ ހުރިހާ ކަމެއް އެންމެ މަތީ ފެންވަރުގެ މަރާމާތާއި ފަންނީ ގާބިލުކަމާއެކު އެއް ފުރާޅެއްގެ ދަށުން ފޯރުކޮށްދިނުމެވެ.