އެންޒީގެ އާ ފިހާރައެއް ހުޅުމާލެ ފޭސް 2ގައި ހުޅުވައިފި

މަޝްހޫރު ކާބޯތަކެތީގެ ބްރޭންޑް 'އެންޒީ'ގެ އާ ފިހާރައެއް ހުޅުމާލެ ދެވަނަ ފިޔަވަހީގައި ރޭ ހުޅުވައިފި އެވެ.

ވީ ކިހިނެއް؟ - ވިނަރެސް 5ގެ އެންމެ ތިރީ ބުރީގައި ހުންނަ މި ފިހާރަ ރަސްމީކޮށް ހުޅުވައިދެއްވީ ކުރީގެ މިނިސްޓަރު އަހްމަދު ޒުހޫރެވެ. މި ރަސްމިއްޔާތުގައި އެންސިސް ފިޝަރީޒްގެ މެނޭޖިން ޑިރެކްޓަރު މުހައްމަދު ވަސީމް ވެސް ބައިވެރިވެވަޑައިގެންނެވި އެވެ.

ތަފްސީލް - މިއީ އެންޒީގެ 13 އަހަރުގެ ތާރީހުގައި އެ ބްރޭންޑުން ހުޅުވި ހަތަރުވަނަ ފިހާރަ އެވެ.

މި ފިހާރައިން އެންޒީގެ ހުރިހާ އުފެއްދުންތަކެއްގެ އިތުރުން، ތާޒާ މަހާއި ގޭބިސީތަކަށް ބޭނުންވާ އާންމު މުދާ ލިބެން ހުންނާނެ އެވެ.

މި ފިހާރަ ހުޅުވާފައި ހުންނާނީ:

ބުނީ ކީކޭ؟ - ރޭގެ ރަސްމިއްޔާތުގައި ޒުހޫރު ވިދާޅުވީ، އެންޒީގެ އުފެއްދުންތަކާއި ހިދުމަތްތައް ރައްޔިތުންނާ ވީހާ ވެސް ގާތުން ފޯރުކޮށްދިނުމަށް އެ ކުންފުނިން ގިނަ މަސައްކަތްތަކެއް ކުރަމުން އަންނަ ކަމަށެވެ.

ހުޅުމާލެ ދެވަނަ ފިޔަވަހީގައި ހުޅުވި އާ ފިހާރައިގެ ސަބަބުން އެ ސަރަހައްދުގައި ދިރިއުޅޭ ރައްޔިތުންނަށް ވެސް ބޮޑެތި ލުއިފަސޭހަތަކެއް ލިބިގެންދާނެކަން އޭނާ ފާހަގަކުރެއްވި އެވެ.