ރޯސްވުޑްގެ މަސައްކަތް ބަލަން އެސްޓިތުމާގެ ވެރިން ރާއްޖޭގައި

ރޯސްވުޑް ރަންފަރުގެ މަސައްކަތްތައް ބަލައިލަން އެ ރިސޯޓުގެ ޑިވެލޮޕަރު، އެސްޓިތުމާ ހޯލްޑިންގެ ވެރިން ރާއްޖެ އަތުވެއްޖެ އެވެ.

އެނގުން މުހިންމު - ގަތަރުގެ އިންވެސްޓްމަންޓް ކުންފުންޏެއް ކަމަށްވާ އެސްޓިތުމާއަކީ ފަސް ތަރީގެ ލަގްޒަރީ ރިސޯޓު، ވޮލްޑޯފް އެސްޓޯރިއާ މޯލްޑިވްސް އިތާފުށި ވެސް ތަރައްގީކުރި ކުންފުންޏެވެ.

ވީ ކިހިނެއް؟ - ރަންފަރުގެ މަސައްކަތް ދާ ގޮތް ބައްލަވާލައްވަން ރާއްޖެ ވަޑައިގެން އުޅުއްވަނީ އެސްޓިތުމާގެ ޗެއާމަން މޯތާޒު އަލް ހައްޔަތު އާއި ވައިސް ޗެއާމަން ރާަމިޒު އަލް ހައްޔަތު އެވެ.

މޯތާޒު އިންސްޓަގްރާމްގައި ހިއްސާކުރެއްވި ޕޯސްޓެއްގައި ވިދާޅުވީ އެ ރިސޯޓު ވާނީ މުޅި ދުނިޔޭގެ ވެސް ހޮސްޕިޓާލިޓީ ދާއިރާއަށް އިންގިލާބެއް ގެންނާނެ ވަރުގެ ތަނަކަށް ކަމަށެވެ.

ތަފްސީލު - އެސްޓިމާގެ ސަބްސިޑަރީ ކުންފުނި ރޯޔަލް ރިސޯޓްސްއިން ކ. އަތޮޮޅުގައި އަލަށް ތަރައްގީކުރާ ރޯސްވުޑް ރަންފަރު މެނޭޖުކުރާނީ އަލްޓްރާ-ލަގްޒަރީ ބްރޭންޑް، ރޯސްވުޑް ހޮޓެލްސް އެންޑް ރިސޯޓްސްއިންނެވެ.

އެ ކުންފުނިން މި މަޝްރޫއަށް 343 މިލިއަން ޑޮލަރު (5.3 ބިލިއަން ރުފިޔާ) ހަރަދުކުރާނެ އެވެ.

އާ ރިސޯޓުގެ ބައެއް ހިދުމަތްތައް:

ފާހަގަކޮށްލެވޭ ކަމެއް - މޯތާޒު އާއި ރާމިޒުގެ ދެބެއިންނަކީ ގަތަރުގެ އިތުރުން މެދުއިރުމަތީގެ ވެސް އެންމެ މުއްސަނދި ވިޔަފާރިވެރިންގެ ލިސްޓުގައި ހިމެނޭ ދެ މީހުންނެވެ.

އެގޮތުން އެ ދެމީހުން ގުޅިގެން އުފައްދާފައިވާ ޕަވާ އިންޓަނޭޝަަލް ހޯލްޑިންގްސްއަށް ފޯބްސްގެ 'ޓޮޕް 100 އަރަބް ފެމިލީ ބިޒްނަސަސް' ލިސްޓުގެ 10 ވަނަ މަގާމު މިދިޔަ އަހަރު ވަނީ ލިބިފަ އެވެ.

ރަންފަރު ތަރައްގީކުރާ އެސްޓިތުމާ އަކީ ޕަވާ އިންޓަނޭޝަނަލް ހޯލްޑިންސްގެ ސަބްސިޑަރީ ކުންފުންޏެކެވެ. އެ ނޫނަސް އެކި ދާއިރާތަކުގައި އިންވެސްޓުކުރާ އިތުރު ސަބްސިޑަރީ ކުންފުނިތައް މިދެބެއިން އިސްވެ ތިބެ ހިންގަ އެވެ.