ފިނޭންސް މިނިސްޓަރު ޒަމީރު މީގެ ކުރިން ރައްޔިތުން މަޖިލީހުގެ ބަޖެޓް ކޮމިޓީއަށް މައުލޫމާތު ދެއްވަނީ: ރިކަރަންޓް ހަރަދު ހިމެނޭ ގޮޔުން މިއަހަރު އަދި ހަރަދުތައް ވަނީ ކުޑަކޮށްފައި (ދައުރު ފައިލް ފޮޓޯ)
3 ބިލިއަން ރުފިޔާ ސަލާމަތްކޮށް ބަޖެޓް ރެކޯޑް ސާޕްލަސްއެއްގައި
މި މަހުގެ 10އެއްގެ ނިޔަލަށް ދައުލަތުން ކުރި ހަރަދުތައް މިދިޔަ އަހަރުގެ އެ މުއްދަތަށް ވުރެ ކުޑަކޮށްފައި ވުމުން، ދައުލަތުގެ ބަޖެޓް 3.4 ބިލިއަން ރުފިޔާގެ ސާޕްލަސްއެއް، ނުވަތަ އަރަނިވުމެއްގައި ހިފެހެއްޓިއްޖެ އެވެ.
އެނގުން މުހިންމު - މީގެ ކުރީ އަހަރުތަކުގައި އަހަރުގެ ދެ ވަނަ ކުއާޓާ ފެށޭއިރު ބަޖެޓް ޑެފިސިޓަކަށްދެ އެވެ. އޭގެ މަނާއަކީ ލިބޭ އެއްޗަކުން ހަރަދުތައް ފޫނުބެއްދެ އެވެ.
ވީ ކިހިނެއް؟ - ދައުލަތުގެ މާލީ ވުޒާރާއިން އިއްޔެ އާންމުކުރި ދައުލަތުގެ އާމްދަނީ އާއި ހަރަދުގެ ތަފާސްހިސާބުތައް، 'ވީކްލީ ފިސްކަލް ޑިވެލޮޕްމަންޓް' ރިޕޯޓުގައިވާ ގޮތުން:
-
10 އޭޕްރީލްގެ ނިޔަލަށް ދައުލަތަށް ވަނީ ގާތްގަނޑަކަށް 11.2 ބިލިއަން ރުފިޔާ ލިބިފައި؛ މިދިޔަ އަހަރުގެ އެ މުއްދަތުގައި ދައުލަތަށް ލިބިފައިވަނީ 10.7 ބިލިއަން ރުފިޔާ
-
ދައުލަތުގެ ހަރަދުތައް ގާތްގަނޑަކަށް 9 ބިލިއަން ރުފިޔާގައި ހުރިއިރު، މިދިޔަ އަހަރުގެ އެ މުއްދަތުގައި ދައުލަތުން ވަނީ ގާތްގަނޑަކަށް 11.8 ބިލިއަން ރުފިޔާ ހޭދަކޮށްފައި
-
ރިކަރަންޓް ހަރަދުތައް ވެސް ވަނީ 8.3 ބިލިއަން ރުފިޔާއަށް ކުޑަކޮށްފައި އަދި ކެޕިޓަލް ހަރަދުތައް ހުރީ 693 މިލިއަން ރުފިޔާގައި
މިއަހަރުގެ ހަރަދުތަކުގެ ތެރޭގައި ލޯން ދެއްކުމަށް ހޭދަވި ގާތްގަނޑަކަށް 2.4 ބިލިއަން ރުފިޔާ ހިމެނެ އެވެ. މިދިޔަ އަހަރުގެ އެ މުއްދަތުގެ ތެރޭގައި ލޯން ދެއްކުމަށް ހޭދަކުރީ 847.9 މިލިއަން ރުފިޔާ އެވެ.
ތަފްސީލް - މިދިޔަ އަހަރުގެ އެ މުއްދަތުގައި ބަޖެޓްގެ ޕްރައިމަރީ ބެލެންސް 351.6 މިލިއަން ރުފިޔާއިން އަރަނިވެފައިވާއިރު، މިއަހަރުގެ އެ މުއްދަތުގައި އެ އަދަދު ވަނީ ގާތްގަނޑަކަށް 3.4 ބިލިއަން ރުފިޔާއަށް އަރާފަ އެވެ. އެއާ އެކު:
-
މިއަހަރުގެ ޖުމްލަ ބަޖެޓްގެ ބެލެންސް އެހާތަނަށް ވަނީ 2.1 ބިލިއަން ރުފިޔާއިން އަރަނިވެފައި
-
މިދިޔަ އަހަރުގެ އެ މުއްދަތުގައި ޖުމްލަ ބަޖެޓްގެ ބެލެންސް ހުރީ 1.1 ބިލިއަން ރުފިޔާގެ ޑެފިސިޓްގައި
މި އަހަރުގެ އެ މުއްދަތުގެ ތެރޭގައި ދައުލަތަށް ލިބުނު އާމްދަނީގެ ތެރޭގައި ހިމެނެނީ:
-
ޓެކްސްގެ އާމްދަނީ: 8.7 ބިލިއަން ރުފިޔާ
-
ޓެކްސް ނޫން އާމްދަނީ: 2.5 ބިލިއަން ރުފިޔާ
-
ހިލޭ އެހީ: 56 މިލިއަން ރުފިޔާ
ކޮމެންޓް (2)
އާމީ
އަބްދުﷲ