ފުޑް ކާނިވަލުގައި ސިމްޑީއިން އިލީ އަދި އިލެކްޓްރޮލަކްސް އިން ޑިސްކައުންޓު ދެނީ

މިހާރު ހުޅުމާލޭ ސެންޓްރަލް ޕާކުގައި ކުރިއަށްދާ މޯލްޑިވްސް ފުޑް ކާނިވަލުގައި، އެ ކުންފުނިން ވިއްކާ އިލީ ކޮފީ އާއި އިލެކްޓްރޮލަކްސް ހޯމް އެޕްލަޔަންސްތަކުން ހާއްސަ ޑިސްކައުންޓު ލިބޭނެ ކަމަށް ސިމްޑީ އިން ބުނެފި އެވެ.

ތަފްސީލް - އާދިއްތަ ދުވަހުގެ ނިޔަލަށް ކުރިއަށްދާ ފުޑް ކާނިވަލުގައި ހުންނަ ސިމްޑީގެ ސްޓޯލަށް ޒިޔާރަތްކުރާ މީހުންނަށް އިލީ ބްރޭންޑުގެ ކޮފީއާ ގުޅޭ މައުލޫމާތުދީ، ކޮފީ އެންމެ މީރުކޮށް ތައްޔާރު ކުރެވޭނެ ގޮތް ކިޔައިދިނުމުގެ އިތުރުން ކޮފީ ރަހަ ބަލާލުމުގެ ފުރުސަތު ވެސް ދޭނެ އެވެ.

އެނގުން މުހިއްމު - ސިމްޑީ އަކީ އިލީ ބްރޭންޑުގެ ރާއްޖޭގެ ޑިސްޓްރިބިޔުޓަރެވެ.

މީގެ އިތުރުން ސިމްޑީ އިން ވިއްކާ އިލެކްޓްރޮލަކްސް ބްރޭންޑުގެ ހޯމް އެޕްލަޔަންސް ވެސް މި ފެސްޓިވަލުގައި ހުންނާނެ އެވެ. 

ސިމްޑީ އިން ބުނިގޮތުގައި:

މި ދެ ބްރޭންޑުގެ އުފެއްދުންތައް ޑިސްކައުންޓު އަގުތަކުގައި ގަތުމަށް ފުޑް ކާނިވަލުގައި ހުންނަ ސިމްޑީގެ ސްޓޯލަށް ޒިޔާރަތްކުރުމަށް ސިމްޑީ އިން ދައުވަތުދެ އެވެ.