ވިލާއިން މުޅި މާމިގިއްޔަށް ބޭނުންވާ ކަރަންޓު އުފެއްދޭ ވަރަށް ސޯޯލާ ޕެނަލް ހަރުކުރަނީ

ވިލާ ގުރޫޕުން އދ. މާމިގިލީގައި ހިންގާ ވިލާ އިންޓަނޭޝަނަލް އެއާޕޯޓާއި އެ ރަށުގައި ހުންނަ އެ ކުންފުނީގެ އިމާރާތްތަކުގެ ފުރާޅުތަކުގައިި ސޯލާ ޕެނަލް ހަރުކުރާ މަޝްރޫއުގެ އަމަލީ މަސައްކަތް ފަށައިފި އެވެ.

ބުނީ ކީކޭ؟ - ވިލާ އިންޓަނޭޝަނަލް އެއާޕޯޓުގެ މެނޭޖަރު އަބްދުލް ހަންނާނު އިބްރާހިމް މިއަދު 'ދައުރު'އަށް ވިދާޅުވީ، އެ މަޝްރޫއުގެ ދަށުން ހަރުކުރާ ސޯލާ ޕެނަލްތަކުން ދުވާލަކު ވަކި ވަގުތަކަށް، މުޅި ރަށަށް ބޭނުންވާ ވަރަށް ކަރަންޓު އުފެއްދޭނެ ކަމަށެވެ.

"މާމިގިލީގައި ގާތްގަނޑަކަށް މިހާރު އެ ބޭނުންކުރަނީ 1 މެގަވޯޓުގެ ކަރަންޓު. ސޯލާ ޕެނަލްތަކުން ގާތްގަނޑަކަށް 2.5 މެގަވޯޓު ޖެނެރޭޓު ކުރެވޭނެ ކަމަށް ލަފާކުރެވެނީ،" އޭނާ ވިދާޅުވި އެވެ.

"މުޅި މާމިގިލީ ކަވާ ކުރެވޭނެ ގާތްގަނޑަކަށް، ދުވާލަކު ވަކި ގަޑިއެއްގައި."

ތަފްސީލު - ހަންނާނު ވިދާޅުވި ގޮތުގައި، މި މަޝްރޫއުގެ ދަށުން ސޯލާ ޕެނަލް ހަރުކުރަނީ:

"މިހާރު ޕެނަލްތައް ހަރުކުރަން ފަށައިގެން އުޅެނީ. އަދި ގާތްގަނޑަކަށް ހަތަރު މަސް ނަގާނެ މަޝްރޫއު އެއްކޮށް ނިންމާލަން،" ހަންނާނު ވިދާޅުވި އެވެ.

މި މަޝްރޫއު ހިންގަނީ ވިލާ ކުންފުނީގެ މައި އޮފީހުންނެވެ. އެ އޮފީހުގެ ބޭފުޅެއްގެ ބަހެއްގެ ނުލިބޭތީ މި މަޝްރޫއަށް ހިނގާ ހަރަދާއި ހަރުކުރާ ޕެނަލްތަކުގެ ޖުމްލަ އަދަދާއި އެ ނޫނަސް އިތުރު ތަފްސީލެެއް އަދި ނުލިބެ އެވެ.